ଭୁବନେଶ୍ୱର: ୨୦୧୧ ଏପ୍ରିଲ ୨ ତାରିଖରେ ରାଉରକେଲାରେ ତତ୍କାଳୀନ ଜେଏମ୍ଏଫସି ଅରୁଣ ପଟ୍ଟନାୟକ ଓ ସ୍ଥାନୀୟ ପୋଲିସ ମଧ୍ୟରେ ଗଣ୍ଡଗୋଳ ନେଇ ଜଷ୍ଟିସ ଏ.ଏସ୍. ନାଇଡୁ କମିଶନଙ୍କ ତଦନ୍ତର କାର୍ଯ୍ୟାନୁଷ୍ଠାନ ରିପୋର୍ଟ ବିଧାନସଭାରେ ଉପସ୍ଥାପିତ ହୋଇଛି। କମିଶନଙ୍କ ସୁପାରିଶ କ୍ରମେ କର୍ତ୍ତବ୍ୟରେ ଅବହେଳା ଓ ଆଦେଶ ଅବମାନନା ପାଇଁ ଉଦିତନଗର ଥାନାର ତତ୍କାଳୀନ ଆଇଆଇସି ସଦାନନ୍ଦ ପୁଜାରୀଙ୍କ ବିରୋଧରେ ବଡ ଧରଣର ପେନାଲଟି ପ୍ରୋସିଡିଂ ପାଇଁ ପୋଲିସ ଡିଜିଙ୍କୁ ନିର୍ଦ୍ଦେଶ ଦିଆଯାଇଥିବା ଏଥିରେ ଉଲ୍ଲେଖ କରାଯାଇଛି। ସେହିପରି ୨୦୦୯ ବଲାଙ୍ଗିରରେ ପୋଲିସ ଗାଡିରେ ଛାତ୍ର ମୃତ୍ୟୁ ଓ ପରବର୍ତ୍ତୀ ହିଂସାକାଣ୍ଡ ନେଇ ଜଷ୍ଟିସ ଏସ୍.କେ. ମହାନ୍ତି କମିଶନଙ୍କ ତଦନ୍ତ ଉପରେ କାର୍ଯ୍ୟାନୁଷ୍ଠାନ ରିପୋର୍ଟ ଆଜି ମଧ୍ୟ ଉପସ୍ଥାପିତ ହୋଇଛି । ଜଷ୍ଟିସ ମହାନ୍ତି କମିଶନଙ୍କ ସୁପାରିଶ ଅନୁସାରେ ଦାୟୀ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଥିବା ଏଥିରେ ଦର୍ଶାଯାଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
