ଜଗତସିଂହପୁର: ଜଗତସିଂହପୁର ଅଢ଼ଙ୍ଗରୁ ମା’ ସୁଭଦ୍ରାଙ୍କ ଦାରୁ ଶଗଡ଼ି ଆଜି ସନ୍ଧ୍ୟାର ଶ୍ରୀକ୍ଷେତ୍ର ଅଭିମୁଖେ ଯାତ୍ରା ଆରମ୍ଭ କରିଛି। ଗତକାଲି ଠାରୁ ଶଗଡ଼ି କାର୍ଯ୍ୟ ଶେଷ ହୋଇଯାଇଥିଲା। ଗତରାତିରେ ହିଁ ଏହାର ପ୍ରତିଷ୍ଠା କାର୍ଯ୍ୟ ସଂପନ୍ନ ହୋଇଯାଇଥିଲା। ଚଉପଟି କାମ ଅଳ୍ପ କିଛି ବାକି ଥିଲା। ଚଉପଟି କାମ ସରି ଯିବା ପରେ ରୀତିନୀତି ଅନୁସାର ଦାରୁଙ୍କୁ ଶଗଡ଼ିରେ ରଖା ଯାଇଥିଲା। ଆଉ ପାଟବସ୍ତ୍ରରେ ଘୋଡ଼େଇ ଦିଆଯାଇଥିଲା। ବଳଭଦ୍ରଙ୍କ ଦାରୁ ଶଗଡ଼ିକୁ ଯେଉଁ ଯେଉଁ ବାଟ ଦେଇ ନିଆଯାଇଥିଲା ସେହି ସେହି ବାଟରେ ପୁରୀ ଅଭିମୁଖେ ଯାତ୍ରା କରିବେ ଶଗଡ଼ି। ମା’ ସୁଭଦ୍ରାଙ୍କ ଦାରୁ ଶଗଡ଼ିକୁ ପାରାଦୀପ-କଟକ ଜାତୀୟ ରାଜପଥକୁ ଅଣାଯିବା ପରେ କଟକ ଓ ଭୁବନେଶ୍ୱର ଦେଇ ପୁରୀ ନିଆଯିବ। ଆଜି ରାମକୁମରପୁରଠାରେ ଶଗଡ଼ି ଅଟକିବାର କାର୍ଯ୍ୟକ୍ରମ ରହିଛି। ଆସନ୍ତାକାଲି ରାତିରେ ଶଗଡ଼ି ବିରିବାଟି, ତା’ପର ଦିନ ଭାଣପୁର ଓ ପେର ଭୁବନେଶ୍ୱର ଠାର ଅଟକି ପୁରୀ ଯିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
