ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ରାଜ୍ୟରେ ପିଆଜ ଦର ନିୟନ୍ତ୍ରଣ ପାଇଁ ସରକାର ତତ୍ପରତା ଦେଖାଇଛନ୍ତି। ପିଆଜର କୃତ୍ରିମ ଅଭାବ ଓ ଦର ନିୟନ୍ତ୍ରଣରେ ରଖିବା ଲାଗି ପିଆଜ ବ୍ୟବସାୟୀଙ୍କ ସହ ସରକାର ଆଲୋଚନା କରିଛନ୍ତି । ଖାଦ୍ୟ ଓ ଯୋଗାଣ ବିଭାଗ ପକ୍ଷରୁ କଟକ ଓ ଭୁବନେଶ୍ୱରର ପିଆଜ ହୋଲସେଲ ବ୍ୟବସାୟୀଙ୍କୁ ଡାକି ଆଲୋଚନା କରାଯିବା ସହ ଦର ନିୟନ୍ତ୍ରଣ ଲାଗି ବିଭିନ୍ନ ପଦକ୍ଷେପ ନେବାକୁ ନିଷ୍ପତ୍ତି ହୋଇଛି। ପିଆଜ ଯୋଗାଣ ଅବ୍ୟାହତ ରଖିବା ଏବଂ ବଜାରକୁ ଯଥେଷ୍ଟ ପରିମାଣର ପିଆଜ ଛାଡ଼ିବାକୁ ସରକାର ବ୍ୟବସାୟୀମାନଙ୍କୁ ନିର୍ଦ୍ଦେଶ ଦେଇଛନ୍ତି।</p> <p>ଆସନ୍ତା ୧୫ ଦିନ ମଧ୍ୟରେ ନାସିକରୁ ପିଆଜ ଆସିବା ଅନୁମାନ କରାଯାଉଛି। ସେ ପର୍ଯ୍ୟନ୍ତ ପିଆଜ ଦର ଉପରେ ନିଘା ରଖିବା ସହ ଦର ନିୟନ୍ତ୍ରଣ ପାଇଁ ପଦକ୍ଷେପ ସରକାର ନେବେ। ଏହି ସମୟ ମଧ୍ୟରେ ପିଆଜ ବଜାରକୁ ନ ଆସିଲେ ସରକାର ବଜାରରେ ହସ୍ତକ୍ଷେପ କରିବେ। ସେହିଭଳି ଖୁଚୁରା ବ୍ୟବସାୟୀଙ୍କୁ ବିକ୍ରି ବେଳେ ହୋଲସେଲ ବ୍ୟବସାୟୀମାନେ କ୍ୟାସ ମେମୋ ଦେବା ଲାଗି ଖାଦ୍ୟ ଓ ଯୋଗାଣ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି।</p> <p>ଜଣେ ଗ୍ରାହକ କହିଛନ୍ତି- “ବଜାରରେ ପିଆଜ ଦର ସବୁବେଳେ ଅଧିକ ରହୁଛି। ଏହା ଆଜିର ଦୁଃଖ ନୁହେଁ, ବର୍ଷସାରା ପିଆଜ ଦର ଚଢ଼ା ରହୁଛି। ଶୀତଳ ଭଣ୍ଡାର ଉପରେ ସରକାର ପଦକ୍ଷେପ ନେଲେ ବଜାରରେ ପିଆଜ ଦର ଏତେ ଅଧିକ ହୁଅନ୍ତା ନାହିଁ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
