ବଲାଙ୍ଗିର (ଘଟେଶ୍ୱର ମିଶ୍ର): ବଲାଙ୍ଗିର ଜିଲ୍ଲା ତୁରେକେଲା ଥାନା ଅନ୍ତର୍ଗତ ବଗବାହାଲ ଗାଁ ନିକଟରେ ଥିବା ବନଦୁର୍ଗା ମନ୍ଦିରରେ ଏକ ଅଭାବନୀୟ ଘଟଣା ଘଟିଛି। ଗତକାଲି ବିଳମ୍ବିତ ରାତିରେ ମନ୍ଦିରରେ ନବରାତ୍ରୀ ପୂଜା ଚାଲିଥିବା ବେଳେ ଜଣେ ମଦ୍ୟପ ହଠାତ୍ ପଶିଯାଇ ଅଖଣ୍ଡ ଦୀପ ଗୁଡ଼ିକୁ ଲିଭାଇ ଦେଇଥିଲା। ଏଥିସହ ଦେବୀଙ୍କ ଫୁଲମାଳ ଛିଣ୍ଡାଇ ଦେଇଥିଲା। ଏହା ସହିତ କଳସ ଗୁଡ଼ିକୁ ମଧ୍ୟ ଲାତ ମାରିଥିଲା।
ପୂଜା କମିଟିର ଲୋକେ ବହୁତ କଷ୍ଟରେ ମଦ୍ୟପକୁ କାବୁ କରିଥିଲେ। ପରେ ତୁରେକେଲା ପୁଲିସ୍ ପହଞ୍ଚି ମଦ୍ୟପକୁ ନେଇ ଥାନାରେ ଅଟକ ରଖିଛି। ଏହି ଘଟଣା ପରେ ସେଠାରେ ଉତ୍ତେଜନା ପ୍ରକାଶ ପାଇଥିଲା।
ଏହି ଘଟଣା ପରେ ଆଜି ସକାଳେ ପୁଣି ଥରେ ଶୁଦ୍ଧି କରାଯାଇ ମନ୍ଦିରରେ ସ୍ୱତନ୍ତ୍ର ରୀତିନୀତିରେ ପୂଜାର୍ଚ୍ଚନା କରାଯାଇଛି। ମଦ୍ୟପ ଜଣକ ପଡ଼ୋଶୀ ଗାଁର ବୋଲି ଜଣାପଡ଼ିଛି। ତେବେ ପୂଜା ସରିବା ପର୍ଯ୍ୟନ୍ତ ମନ୍ଦିରକୁ ସୁରକ୍ଷା ଦେବାକୁ ପୂଜା କିମିଟି ପକ୍ଷରୁ ଥାନାରେ ଦାବି କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
