ଉଦଳା (ମାନସ ପାଣି): ମୟୂରଭଞ୍ଜ ଜିଲ୍ଲା ଉଦଳା-ନୁଦଡ଼ିହା ରାସ୍ତାର ଉର୍ମଳ ଛକ ନିକଟରେ ଏକ ଡମ୍ପରକୁ ଏକ ଟ୍ରକ୍ ପଛ ପଟୁ ଧକ୍କା ଦେବା ପରେ ସେଥିରୁ ୩୦୦ ପେଟି ବିଦେଶୀ ମଦ ଜବତ କରାଯାଇଛି। ପୁଲିସ୍ ଟ୍ରକ୍ ଓ ମଦ ଜବତ କରି ଘଟଣାର ତଦନ୍ତ କରୁଛି।
ଏହି ଦୁର୍ଘଟଣାରେ ଟ୍ରକ୍ ଡ୍ରାଇଭର ଗୁରୁତର ଭାବେ ଆହତ ହୋଇଛନ୍ତି। ବଡ଼ କଷ୍ଟରେ ତାଙ୍କୁ ଟ୍ରକ୍ ଭିତରୁ ବାହାର କରାଯାଇଥିଲା। ସେ ଚାପି ହୋଇ ରହି ଯାଇଥିଲେ। ତାଙ୍କୁ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି।
ସୂଚନା ଅନୁଯାୟୀ, ଗତକାଲି ବିଳମ୍ୱିତ ରାତିରେ ଟ୍ରକ୍ଟି ବାଲେଶ୍ୱର ଜିଲ୍ଲା ସେରଗଡ଼ରୁ ମଦ ବୋଝେଇ କରି ଯଶିପୁର ଯାଉଥିବା ବେଳେ ଭୁଲ୍ ରାସ୍ତାରେ ପଶି ଯାଇଥିଲା। ଭୁଲ୍ ରାସ୍ତାରୁ ଫେରୁଥିବା ବେଳେ ଉର୍ମଳ ଛକ ନିକଟରେ ସାମ୍ନାପଟୁ ଆସୁଥିବା ଏକ ଡମ୍ଫରକୁ ଏହା ପଛ ପଟୁ ଧକ୍କା ଦେଇଥିଲା। ସ୍ଥାନୀୟ ଲୋକେ ଟ୍ରକ୍ ଭିତରୁ ଡ୍ରାଇଭରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ। ଖବର ପାଇ ଉଦଳା ପୁଲିସ୍ ମଧ୍ୟ ଘଟଣାସ୍ଥଳରେ ପହଞ୍ଚିଥିଲା। ଯାଞ୍ଚ ବେଳେ ଟ୍ରକ୍ରେ ବିପୁଳ ପରିମାଣରେ ମଦ ଥିବା ପୁଲିସ୍ ଦେଖିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
