ଭୁବନେଶ୍ୱର: ଡିପ୍ଲୋମା ଇଂଜିନିୟରିଂ ପ୍ରବେଶିକା ପରୀକ୍ଷାକୁ ଉଚ୍ଛେଦ କରିଦିଆଯାଇଛି। ଏ ନେଇ ବୈଷୟିକ ବିଭାଗ ବିଜ୍ଞପ୍ତି ପ୍ରକାଶ କରିଛି। ପୂର୍ବରୁ ଏଥିପାଇଁ କ୍ୟାବିନେଟ୍ରେ ନିଷ୍ପତ୍ତି ନିଆଯାଇଥିଲା। ଆଜି ବିଧିବଦ୍ଧ ଭାବେ ନେଇ ବିଜ୍ଞପ୍ତି ପ୍ରକାଶ ପାଇଛି। ଏଣିକି ପ୍ରବାଶିକା ପରୀକ୍ଷା କରା ନ ଯାଇ ମାର୍କ ଅନୁସାରେ ଆଡମିଶନ ମିଳିବ ବୋଲି ବିଜ୍ଞପ୍ତିରେ ଦର୍ଶାଯାଇଛି। ୨୦୧୬-୧୭ ଶିକ୍ଷା ବର୍ଷରୁ ଏହା ଲାଗୁ ହେବ।
ଏଆଇସିଟିଇ ଗାଇଡ ଲାଇନ ଅନୁସାରେ ମାଟ୍ରିକ୍ରେ ୩୫ ପ୍ରତିଶତ ମାର୍କ ରଖିଲେ ଆଡମିଶନ ପାଇଁ ଆବେଦନ କରି ହେବ ବୋଲି ବିଜ୍ଞପ୍ତିରେ ଉଲ୍ଲେଖ ରହିଛି। ଏବେ ଡିପ୍ଲୋମା ଇଂଜିନିୟରିଂ ସ୍କୁଲ ଓ ପଲିଟେକନିକ କଲେଜରେ ମାର୍କ ଭିତ୍ତିରେ ଛାତ୍ରଛାତ୍ରୀ ଆଡମିଶନ କରିପାରିବେ। ଏଥିସହିତ ଲାଟେରାଲ ଏଣ୍ଟ୍ରି ପାଇଁ ଦ୍ୱାଦଶ ଶ୍ରେଣୀ କିମ୍ବା ଦୁଇ ବର୍ଷିୟା ଆଇଆଇଟି ପରୀକ୍ଷାରେ ରଖିଥିବା ମାର୍କ ଅନୁସାରେ ଆଡମିଶନ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
