ଦୁନିଆରେ ଏମିତି ଅନେକ ଘଟଣା ଘଟେ ଯାହା ଥାଏ ଆମ ଭାବନାଠାରୁ ବହୁ ଉପରେ । ଆଜି ମେଡିକାଲ ସାଇନ୍ସ ଦୁଃସାଧ୍ୟ ରୋଗକୁ ବି ଭଲ କରିଦେବାରେ ସଫଳ ହେଲାଣି । କିନ୍ତୁ କିଛି ଅଂଚଳରେ ଏବେବି ଏମିତି ରୋଗ ଅଛି। ଯାହା ଭଲ କରିବାରେ ଆମ ଚିକିତ୍ସା ବିଜ୍ଞାନ ବିଫଳ ହୋଇଛି । ଏଭଳି ଏକ ରୋଗ ଦେଖିବାକୁ ମିଳେ ବ୍ରାଜିଲର ସାଓ ପାଓଲୋ ସହର ନିକଟ ଏକ ଗାଁରେ ।
ଗାଁଟିର ନାଁ ଆରସ । ଏଠାରେ ଅଧିକାଂଶ ଲୋକ ଜେରୋଡର୍ମା ପିଗମେଣ୍ଟେସମ୍ ନାମକ ରୋଗରେ ପୀଡ଼ିତ। ଏହି ରୋଗ ହେଉଥିବା ଲୋକ ଖରାକୁ ଗଲେ ଶରୀର ଜଳିଯାଇ ଘା ହୋଇଯାଏ । ଯଦିଓ ଏହି ରୋଗ ଲକ୍ଷ ଲୋକରେ ଜଣକୁ ହିଁ ହୁଏ ବୋଲି ଚିକିତ୍ସା ବିଜ୍ଞାନ କରୁଛି । ହେଲେ ଏହି ଗାଁରେ ଶତକଡା ତିନିଭାଗ ଲୋକ ଏହି ଭୟଙ୍କର ରୋଗରେ ପୀଡ଼ିତ । ଏହି ରୋଗ ହୋଇଥିବା ଲୋକେ କହନ୍ତି। ଖରାକୁ ବାହାରିଲେ ସେମାନଙ୍କୁ ଅନେକ ଯନ୍ତ୍ରଣା ହୋଇଥାଏ । ତା ପରେ ଧୀରେ ଧୀରେ ଚମ ଜଳିବା ଆରମ୍ଭ କରେ । ପରେ ଏହା ସଂକ୍ରମିତ ହୋଇ ଦେହସାରା ଚରିଯାଏ । ଫଳରେ ପୂରା ଶରୀରରେ ଘା ହୋଇଯାଏ । ଏହି ବେମାରିର କାରଣ ବଂଶାନୁକ୍ରମିକ ବୋଲି ଡାକ୍ତରମାନେ କହୁଛନ୍ତି । କିନ୍ତୁ ଏହାର ଚିକିତ୍ସା ଉପାୟ ଏଯାଏ ବାହାର କରାଯାଇ ପାରିନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
