ପାଣିରୁ ବାହାରିବେ ପାକ୍ ଆତଙ୍କବାଦୀଙ୍କୁ ମାରିବେ: ବର୍ଡରରେ ମାର୍କୋସ ଫୋର୍ସ, ଦେଖନ୍ତୁ କେମିତି ନିଅନ୍ତି ଟ୍ରେନିଂ

<p>ନୂଆଦିଲ୍ଲୀ: ଅକସ୍ମାତ କରିବେ ଆକ୍ରମଣ। କେହି କିଛି ସୁରାକ୍&zwnj; ପାଇବା ପୂର୍ବରୁ ଘନ ଘନ ବୋମା ମାଡ଼ରେ ଭୁଶୁଡି ପଡିବ ଆତଙ୍କବାଦୀ କ୍ୟାମ୍ପ। ତ୍ରାହି ତ୍ରାହି ଡାକିବେ ଆତଙ୍କବାଦୀ କମାଣ୍ଡର। ମାରାତ୍ମକ ରୋଗ ଭଳି ବ୍ୟାପି ଚାଲିଥିବା ଆତଙ୍କବାଦୀଙ୍କ ଉତ୍ପାତ ରୋକିବାକୁ ଜମ୍ମୁ ଓ କାଶ୍ମୀରରେ ପହଞ୍ଚି ସାରିଛି ପ୍ରତିଷେଧକ। ସୀମା ପାର କରି ଭାରତକୁ ପ୍ରବେଶ କରୁଥିବା ଆତଙ୍କବାଦୀଙ୍କୁ ନିପାତ କରିବାକୁ ଭାରତୀୟ ସେନା ସହିତ ଯୋଗ ଦେଇଛନ୍ତି ଭାରତର ସବୁଠାରୁ ଶକ୍ତିଶାଳୀ &lsquo;ମାର୍କୋସ କମାଣ୍ଡୋ ଫୋର୍ସ&rsquo;। ଆତଙ୍କବାଦୀଙ୍କୁ ଖୋଜିବାକୁ ହେଉଥିବା ସର୍ଚ୍ଚ ଅପରେସନ୍&zwnj;ରେ ଏମାନଙ୍କୁ ସାମିଲ କରାଯାଇଛି।</p><p>&lt;a href=&quot;&quot;&gt;(image) &lt;/a&gt;ଝେଲମ ନଦୀ କୂଳବର୍ତ୍ତୀ ଅଞ୍ଚଳକୁ ଲାଗି ରହିଥିବା ପାହାଡ଼ ପର୍ବତ ଘେରା ଘଞ୍ଚ ଜଙ୍ଗଲରେ ଆଡ୍ଡା ଜମାଉଥିବା ଆତଙ୍କବାଦୀଙ୍କୁ ଧରିବା ପାଇଁ ସର୍ଚ୍ଚ ଅପରେସନ ଆରମ୍ଭ କରିଛି ମାର୍କୋସ ବାହିନୀ। &nbsp;ଏହି ଘଞ୍ଚ ଜଙ୍ଗଲରେ ଆତଙ୍କବାଦୀ ମାନେ ନିଜକୁ ସୁରକ୍ଷିତ ମଣିବା ସହ ବିଭିନ୍ନ ଅସ୍ତ୍ରଶସ୍ତ୍ର ଲୁଚାଇବାରେ ବ୍ୟବସ୍ଥା କରିଥାନ୍ତି। ପୂର୍ବରୁ ୧୯୯୫ ମସିହାରେ ସେନା ମାର୍କୋସ ବାହିନୀ ସହାୟତାରେ ଝେଲମ ନଦୀ ନିକଟସ୍ଥ ୨୫୦ କିଲୋମିଟର ଅଞ୍ଚଳକୁ ଆତଙ୍କବାଦୀ ମୁକ୍ତ କରିଥିଲା। ଏହାପରେ ମାର୍କୋସ କମାଣ୍ଡୋଙ୍କ ନାଁ ଶୁଣିଲେ ଥରି ଉଠୁଥିଲା ଆତଙ୍କବାଦୀଙ୍କ ଛାତି।</p><p>ଆତଙ୍କବାଦୀଙ୍କୁ ନିପାତ କରିବାକୁ ମାର୍କୋସ କମାଣ୍ଡର ପ୍ରସ୍ତୁତ କରିଛନ୍ତି ବ୍ଲୁ-ପ୍ରିଣ୍ଟ। ଏଣିକି ମାର୍କୋସ କମାଣ୍ଡରଙ୍କ ହାତରୁ ଆଉ ନିସ୍ତାର ପାଇବେନି ଆତଙ୍କବାଦୀ। କାରଣ ଦୁନିଆର ସବୁଠାରୁ ଶକ୍ତିଶାଳୀ କମାଣ୍ଡରଙ୍କ ମଧ୍ୟରେ ମାର୍କୋସ ଫୋର୍ସ ଅନ୍ୟତମ। ଜଳ, ସ୍ଥଳ ଓ ଆକାଶପଥରେ ଆକ୍ରମଣ କରିବାରେ ମାହିର ଏହି ଫୋର୍ସର କମାଣ୍ଡର। ସମସ୍ତ ପ୍ରକାର ଅପରେସନ୍&zwnj;ରେ ଶତ୍ରୁପକ୍ଷକୁ ଚକ୍&zwnj;ମା ଦେଇ ପରାସ୍ତ କରିବାର ସିଦ୍ଧହସ୍ତ ଭାରତର ଏହି କମାଣ୍ଡୋ। ତେବେ ମାର୍କୋସ କମାଣ୍ଡୋଙ୍କ ଟ୍ରେନିଂ ବିଷୟରେ ଜାଣିଲେ ଆପଣ ଆଶ୍ଚର୍ଯ୍ୟ ହେବ ନିଶ୍ଚୟ।</p><p>https://www.youtube.com/watch?v=k9pqH0k5Ap8</p><p>୧୯୮୭ ମସିହାର ଭାରତରେ ଗଠନ ହୋଇଥିଲା ମାର୍କୋସ ଫୋର୍ସ। ଦୁନିଆର ସବୁଠାରୁ ଶକ୍ତିଶାଳୀ ୟୁଏସ୍&zwnj; ନୌସେନା ଭଳି ମାର୍କୋସ କମାଣ୍ଡରଙ୍କୁ ପ୍ରସ୍ତୁତ କରାଯାଏ। ମାର୍କୋସ ହେଉଛି ଭାରତୀୟ ନୌସେନାର ସ୍ପେଶାଲ ମେରାଇନ କମାଣ୍ଡୋ। ମାର୍କୋସ ଫୋର୍ସରେ ଯୋଗ ଦେବାକୁ କିଛି ସ୍ୱତନ୍ତ୍ର ଯବାନଙ୍କୁ ଚୟନ କରାଯାଇଥାଏ। ୧୦୦୦ ଯବାନଙ୍କ ମଧ୍ୟରୁ ଜଣେ ଯବାନଙ୍କୁ ଚୟନ କରାଯାଇଥାଏ ମାର୍କୋସ କମାଣ୍ଡୋ ପାଇଁ। ଏହି ଫୋର୍ସର କମାଣ୍ଡୋଙ୍କୁ ୨ରୁ ୩ ବର୍ଷ ଯାଏ କଠିନ ଟ୍ରେନିଂ ଦିଆଯାଇଥାଏ। ପ୍ରାୟତଃ ୨୦ ବର୍ଷିୟ ବୟସ୍କ ଯବାନଙ୍କୁ ଏଥିପାଇଁ ଚୟନ କରାଯାଇଥାଏ। କମାଣ୍ଡୋଙ୍କୁ ଦିଆଯାଉଥିବା ଟ୍ରେନିଂ ଡେଥ୍ କଲ୍ ନାମରେ ନାମିତ। ଯେଉଁଥିରେ ଯବାନଙ୍କୁ କାନ୍ଧରେ ୨୫ କେଜିର ବ୍ୟାଗ ପକାଇ ଜଙ୍ଘ ବୁଡୁଥିବା କାଦୁଅ ପୋଖରୀରେ ଦୌଡ଼ିବାକୁ ପଡ଼ିଥାଏ। ଏହା ସଙ୍ଗେ ସଙ୍ଗେ ୨.୫ କିଲୋମିଟର ପର୍ଯ୍ୟନ୍ତ ଅବଷ୍ଟାକଲ୍&zwnj; କୋର୍ସରେ ମଧ୍ୟ ଭାଗ ନେଇଥାନ୍ତି। ମାର୍କୋସ ଫୋର୍ସରେ ଭର୍ତ୍ତି ହେବାକୁ କମାଣ୍ଡୋଙ୍କୁ&nbsp; HALO ଓ &nbsp;HAHO ଟ୍ରେନିଂ କ୍ୱାଲିଫାଏ କରିବାକୁ ପଡ଼ିଥାଏ। HALO ଟ୍ରେନିଂରେ ଯବାନ ମାନେ ୧୧ କିଲୋମିଟର ଉପରୁ ଡେଇଁଥାନ୍ତି ଓ ସ୍ଥଳଭାଗ ଛୁଇଁବାର କିଛି ସମୟ ପୂର୍ବରୁ ପାରାଚ୍ୟୁଟ୍ ଖୋଲିବାର କଳା ଶିଖା ଯାଇଥାଏ। ସେହିପରି HAHO ଟ୍ରେନିଂରେ ଯବାନ ମାନେ ୮ କିଲୋମିଟର ଉଚ୍ଚାରୁ ଡେଇଁ&zwj;ଥାନ୍ତି। ତଳକୁ ଡେଇଁବାର ୧୦ରୁ ୧୫ ସେକେଣ୍ଡ ମଧ୍ୟରେ ପାରାଚ୍ୟୁଟ ଖୋଲିବାର କଳା ଶିଖା ଯାଇଥାଏ। HAHO ଟ୍ରେନିଂ ମାଇନସ୍ ୪୦ ଡିଗ୍ରୀ ସେଲସିୟସ୍ ଥଣ୍ଡା ବରଫ ଅଞ୍ଚଳରେ ଦିଆଯାଇଥାଏ।</p><p>&lt;a href=&quot;http://odishareporter.in/wp-content/uploads/2017/07/marcos-6.jpg&quot;&gt;(image) &lt;/a&gt;ଏହି କମାଣ୍ଡୋଙ୍କୁ ଏପରି ଟ୍ରେନିଂ ଦିଆଯାଇଥାଏ ଯେ ସମୁଦ୍ର ଅପରେସନ୍&zwnj;ରେ ଏମାନେ ପାଣି ଭିତରେ ପହଁରି ପହଁରି ଶତ୍ରୁ ପକ୍ଷର ସମୁଦ୍ର କୂଳରେ ପହଞ୍ଚିବାରେ ସକ୍ଷମ ହୋଇଥାନ୍ତି। ଏପରିକି ହାତ, ଗୋଡ ବାନ୍ଧିବା ପରେ ଏମାନେ ବେଶ୍&zwnj; ସହଜରେ ପହଁରି ପାରନ୍ତି। ସମସ୍ତ ପ୍ରକାର ଛୁରୀ, ସ୍ନାଇପର ରାଇଫଲ, ହ୍ୟାଣ୍ଡଗନ୍&zwnj;, &nbsp;ମାଧ୍ୟମରେ ଆକ୍ରମଣ କରିବାରେ ପାରଙ୍ଗମ ମାର୍କୋସ କମାଣ୍ଡୋ। ଏହି କମାଣ୍ଡୋଙ୍କ ପରିଚୟ ଦୁନିଆ ଆଗରେ ସବୁବେଳେ ଗୁପ୍ତ ରଖାଯାଇଥାଏ। ଏପରିକି ପରିବାରବର୍ଗ&nbsp;ମଧ୍ୟ ଜାଣିନଥାନ୍ତି କି ଏମାନେ ସ୍ୱତନ୍ତ୍ର ମାର୍କୋସ କମାଣ୍ଡୋ ବୋଲି। ମାର୍କୋସ କମାଣ୍ଡୋଙ୍କୁ ସମସ୍ତ ଟ୍ରେନିଂ ଆଇଏନ୍&zwnj;ଏସ୍&zwnj; ଅଭିମନ୍ୟୁରେ ଦିଆଯାଇଥାଏ।</p><p>୧୯୯୯ କାରଗିଲ୍ ଯୁଦ୍ଧରେ ମାର୍କୋସ କମାଣ୍ଡୋ ଭାରତୀୟ ସେନାକୁ ସାହାଯ୍ୟ କରି ଭାରତକୁ ବିଜୟ ଭେଟି ଦେଇଥିଲେ। ବିଭିନ୍ନ ସ୍ପେଶାଲ ଅପରେସନ୍&zwnj;ରେ ଭାରତୀୟ ନୌସେନାର ଏହି କମାଣ୍ଡୋଙ୍କୁ ଖୋଜା ପଡିଥାଏ।</p><p>courtesy-Youtube</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।