କିଏ ପାଣି ନପାଇ ଶୋଷରେ ଆଉଟପାଉଟ ହୁଏ। ହେଲେ ଏମିତି କିଛି ଲୋକ ଅଛନ୍ତି ମଦ ନ ମଳିଲେ ସେମାନେ ଡହଳବିକଳ ହୁଅନ୍ତି। ଏପ୍ରିଲ ୧ ଠାରୁ ଦେଶରେ ଏମିତି କିଛି ଚିତ୍ର ସାମ୍ନାକୁ ଆସିଛି। ମଦ ପାଇଁ ଲୋକେ ଡହ ଡହ ଖରାକୁ ବି ଖାତିର କରୁନାହାନ୍ତି। ଆଉ ଦୋକାନରେ ଅସମ୍ଭବ ଭିଡ଼। କଥା ହେଉଛି ସୁପ୍ରମକୋର୍ଟଙ୍କ ବାରଣ ପରେ ଜାତୀୟ ଓ ରାଜ୍ୟରାଜପଥ କଡ଼ରୁ ମଦ ଦୋକାନ ହଟା ଅଭିଯାନ ଜାରି ରହିଛି। ଜାତୀୟ ଓ ରାଜ୍ୟରାଜପଥ କଡ଼ରେ ୫୦୦ ମିଟର ବ୍ୟବଧାନରେ ଥିବା ମଦ ଦୋକାନକୁ ଉଚ୍ଛେଦ ପାଇଁ ସାରା ଦେଶରେ ପ୍ରଶାସନ ଦମରେ ଲାଗିପଡ଼ିଛି। ଗତ ଏପ୍ରିଲ ୧ରୁ ଏହି ଅଭିଯାନ ଜାରି ରହିଛି। ତେବେ ଏହାର ପ୍ରଭାବ ଉଭୟ ଦୋକାନୀ ଓ ଗ୍ରାହକଙ୍କ ଉପରେ ପଡ଼ିଛି। ରାଜପଥ କଡ଼ରୁ ମଦ ଦୋକାନ ବନ୍ଦ ହେବା ପରେ ବଜାରର ଗଳିକନ୍ଧିକୁ ଲୋକେ ଧାଉଁଛନ୍ତି। ରାତି ଦିନ ଭିଡ଼ ଜମୁଛି। ଏପରିକି ଅସହ୍ୟ ତାତିକୁ ଖାତିରି ନ କରି ଦୋକାନ ଆଗରେ ଗହଳି ହେଉଛି। ସତେଜେମିତି ରାସନ ଦୋକାନରେ ଭିଡ଼ ଲାଗିଛି। ତେବେ କେଉଁ ରାଜ୍ୟରେ ଅଦ୍ୟାବଧି କେତେ ମଦ ଦୋକାନ ବନ୍ଦ ରହିଛି ଏନେଇ ଏକ ଇଂରାଜୀ ଗଣମାଧ୍ୟମରେ ପ୍ରକାଶ ପାଇଛି। ଆସନ୍ତୁ ଜାଣିବା ଏପ୍ରିଲ ୧ ଠାରୁ କେଉଁଠି କେତେ ମଦ ଦୋକାନ ବନ୍ଦ ହୋଇଛି।
ଓଡ଼ିଶା: ବନ୍ଦ ହୋଇଛି ୧୧୬୭ ମଦ ଦୋକାନ। ତା’ଭିତରେର ରହିଛି ୬୦ ହୋଟେଲ,୨୦୫ ରେଷ୍ଟୁରାଣ୍ଟ,୫୨ ବିଏର ବାର, ଗୋଟିଏ ମିଲିଟାରି କେଣ୍ଟିନ ଏବଂ ୭୪ ଟି ଦେଶୀ ମଦଦୋକାନ(ରାଜ୍ୟ ସରକାର ଦେଇଥିବା ତଥ୍ୟ)
ଦିଲ୍ଲୀ ଏବଂ ଆଖପାଖ ଅଁଚଳ: ଦିଲ୍ଲୀର ୧୦୦ ମଦ ଦୋକାନ,ନୋଏଡା ୩୨ ମଦ ଦୋକାକାନ, ଗୋଡ଼ଗାଁଓ ୧୦୬
ପଞ୍ଜାବ: ୧୪୦୦ ମଦ ଦୋକାନ
ହରିୟାନା: ୨୦୦ ମଦଦୋକାନ
ରାଜସ୍ଥାନ: ୨୮୦୦ ମଦଦୋକାନ
ପଶ୍ଚିମବଙ୍ଗ: ୨୪ ମଦ ଦୋକାନ, ଏଠାରେ ଅଭିଯାନ ଜାରି ରହିଛି
ମହାରାଷ୍ଟ୍ର: ୧୦୦୦ ମଦ ଦୋକାନ, ରାଜ୍ୟ ସରକାର କହିଲେ ୭ ହଜାର କୋଟି ରାଜସ୍ୱ କ୍ଷତି
ଗୋଆ: ଗତ ଏପ୍ରିଲ ୧ଠାରୁ ଅଦ୍ୟାବଧି ୩୦ ପ୍ରତିଶତ ମଦ ଦୋକାନ ବନ୍ଦ ହୋଇଛି
କର୍ନାଟକ:୫୯୫୦
ତାମିଲନାଡ଼ୁ: ୩୩୨୦
କେରଳ: ୨୦୭
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
