ନୂଆଦିଲ୍ଲୀ: ଅନ୍ତର୍ଜାତିକ ଅଲିମ୍ପିକ ସମିତି (ଆଇଓସି)କୁ ମନୋନୀତ ହେବା ପରେ କୋଟିପତି ମୁକେଶ ଅମ୍ବାନୀଙ୍କ ପତ୍ନୀ ନିତା ଅମ୍ବାନୀକୁ ଶନିବାର ଅଭିନନ୍ଦନ ଜଣାଇଛି ହକି ଇଣ୍ଡିଆ।
ନୂଆ ସଦସ୍ୟତା ପାଇଁ ସେ ଜଣେ ପ୍ରାର୍ଥୀ ଭାବେ ମନୋନୀତ ହୋଇଥିଲେ। ତେବେ ନିତା ଅଲିମ୍ପିକ୍ ଆନ୍ଦୋଳନର ସର୍ବୋଚ୍ଚ କ୍ଷମତା କେନ୍ଦ୍ର ଆଇଓସିକୁ ମନୋନୀତ ହୋଇଥିଲେ ମଧ୍ୟ ତାଙ୍କୁ ନିର୍ବାଚିତ ହେବାକୁ ପଡିବ। ଏହି ନିର୍ବାଚନ ରିଓ ଡି ଜେନେରିଓରେ ଆସନ୍ତା ଅଗଷ୍ଟ ୨ରୁ ୪ ତାରିଖ ପର୍ଯ୍ୟନ୍ତ ଆୟୋଜିତ ଆଇଓସିର ୧୨୯ ତମ ଅଧିବେଶନ ଅବସରରେ ଅନୁଷ୍ଠିତ ହେବ। ନିୟମ ଅନୁଯାୟୀ ପ୍ରତ୍ୟେକ ନୂଆ ସଦସ୍ୟ ଆଇଓସି ମନୋନୟନ ସମିତି ନିକଟରେ ସେମାନଙ୍କ ପ୍ରାର୍ଥିପତ୍ର ଦାଖଲ କରିବେ। ଏହାକୁ ସମିତି କାର୍ଯ୍ୟନିର୍ବାହୀ ବୋର୍ଡକୁ ପଠାଇବ। ବୋର୍ଡ ତା’ର ପ୍ରସ୍ତାବକୁ ସମିତି ବୈଠକରେ ଉପସ୍ଥାପିତ କରିବା ପରେ ଗୋପନ ଭୋଟ୍ ଦ୍ୱାରା ନୂଆ ସଦସ୍ୟ ନିର୍ବାଚନ ହେବ।ଯଦି ନିତା ନିର୍ବାଚିତ ହୁଅନ୍ତି ତେବେ ତାଙ୍କୁ ୭୦ ବର୍ଷ ହେବା ପର୍ଯ୍ୟନ୍ତ ସଦସ୍ୟ ରହି ପାରିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
