କଳିଙ୍ଗ ଷ୍ଟାଡିୟମରେ ଭାରତ-ଜାପାନ ଦ୍ୱିତୀୟ ହକି ମ୍ୟାଚ୍ ଆଜି

ଭୁବନେଶ୍ୱର: ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ଚାଲିଥିବା ଭାରତ-ଜାପାନ ୪ ଟିକିଆ ହକି ଟେଷ୍ଟ ସିରିଜର ଦ୍ୱିତୀୟ ମ୍ୟାଚ ଆଜି ଖେଳାଯିବ। ସନ୍ଧ୍ୟା ୭ଟାରେ ଖେଳାଯିବ ଏହି ମ୍ୟାଚ୍। ଏହି ମ୍ୟାଚରେ ଭାରତ ଭଲ ପ୍ରଦର୍ଶନ କରିବାକୁ ଆଶା ରଖିଛି । ମେ’ ୩ ତାରିଖରେ ଖେଳା ଯାଇଥିବା ପ୍ରଥମ ମ୍ୟାଚରେ ହୋଇଥିବା ଭୁଲଗୁଡ଼ିକୁ ଭିଡିଓ ଆନାଲିସିସ୍ କରି ଡିଫେନ୍ସ, ଫରୱାର୍ଡ ଓ ପାସିଂ ଉପରେ ଗୁରୁତ୍ୱ ଦେଇଛି ଟିମ୍ ଇଣ୍ଡିଆ। ସେପଟେ ଜାପାନ ମଧ୍ୟ ଟିମ୍ ଇଣ୍ଡିଆର ରଣକୌଶଳକୁ ପରାହତ କରି ଜିତ୍ ହାସଲ କରିବାକୁ ଚେଷ୍ଟା କରିବ। ଆଜିର ମ୍ୟାଚ୍ ପୂର୍ବରୁ ଉଭୟ ଦଳ କଳିଙ୍ଗ ଷ୍ଟାଡିୟମରେ ସୋମବାର ଦୁଇ ଘଣ୍ଟା ଲେଖାଏଁ ଅଭ୍ୟାସ କରିଥିଲେ।
indhocky

ପ୍ରଥମ ମ୍ୟାଚରେ ଭାରତ ଓ ଜାପାନ ୧-୧ ଗୋଲରେ ଅମୀମାଂସିତ ରହିଥିଲା।

ଏହି ସିରିଜର ତୃତୀୟ ଓ ଚତୁର୍ଥ ମ୍ୟାଚ୍ ଆସନ୍ତା ୭ ଓ ୯ ତାରିଖରେ ଅନୁଷ୍ଠିତ ହେବ। କଳିଙ୍ଗ ଷ୍ଟାଡିୟମରେ ଏହି ମ୍ୟାଚଗୁଡ଼ିକ ଦେଖିବା ପାଇଁ ଏଣ୍ଟ୍ରି ଫି ରଖାଯାଇ ନାହିଁ।