ଟେଷ୍ଟରୁ ଅବସର ନେଲେ କୁଳଶେଖରା

କଲୋମ୍ବୋ: ଶ୍ରୀଲଙ୍କାର ଭେଟେରାନ୍‌ ବୋଲର ନୁଆନ୍‌ କୁଳଶେଖରା ବୁଧବାର ଟେଷ୍ଟ ଜୀବନରୁ ଅବସର ଘୋଷଣା କରିଛନ୍ତି। ସେ ଦିନକିଆ ଓ ଟି-୨୦ରେ ଆଉ କିଛି ଦିନ ଖେଳିବାକୁ ଆଗ୍ରହ ପ୍ରକାଶ କରିଛନ୍ତି।

୩୩ ବର୍ଷୀୟ କୁଳଶେଖରା ପ୍ରାୟ ୨ ବର୍ଷ ହେବ ଶ୍ରୀଲଙ୍କା ଟେଷ୍ଟ କ୍ରିକେଟରୁ ବାଦ୍‌ ପଡିଛନ୍ତି। ଟେଷ୍ଟରୁ ଅବସର ନେବା ପାଇଁ ଆଜି ସେ ଶ୍ରୀଲଙ୍କା କ୍ରିକେଟ ବୋର୍ଡକୁ ଏକ ଚିଠି ଲେଖିଛନ୍ତି।

ସେ କହିଛନ୍ତି,“ମୁଁ ଭାବୁଛି ଟେଷ୍ଟରୁ ଅବସର ନେବା ପରେ ଦିନିକିଆ ଓ ଟି-୨୦ ପାଇଁ ଭଲ ଭାବେ ପ୍ରସ୍ତୁତ ହୋଇପାରିବି। ଏହି ଦୁଇ ଫର୍ମାଟ୍‌ରେ ଭଲ ପ୍ରଦର୍ଶନ କରି ମୁଁ ନିଶ୍ଚିତ ଭାବେ ଶ୍ରୀଲଙ୍କା ମନୋନୟନକାରୀଙ୍କ ଦୃଷ୍ଟି ଆକର୍ଷଣ କରିପାରିବି।”

କୁଳଶେଖରା ୨୦୦୫ରେ ଜିମ୍ବାୱେ ବିପକ୍ଷରେ ନିଜ ଟେଷ୍ଟ ଜୀବନ ଆରମ୍ଭ କରିଥିଲେ। ସେ ମୋଟ ୨୧ଟି ଟେଷ୍ଟ ଖେଳି ୪୮ଟି ୱିକେଟ ଅକ୍ତିୟାର କରିଛନ୍ତି।

୨୦୦୯ରେ ସେ ପାକିସ୍ତାନ ବିପକ୍ଷରେ ୫୮ ରନ୍‌ ଦେଇ ୮ଟି ୱିକେଟ ନେଇଥିଲେ। ଏହା ତାଙ୍କ ଟେଷ୍ଟ ଜୀବନର ଶ୍ରେଷ୍ଠ ପ୍ରଦର୍ଶନ। ସେହିପରି ୨୦୦୬ରେ ଲଡ୍ସରେ ଇଂଲଣ୍ଡ ବିପକ୍ଷରେ ସେ ସର୍ବାଧିକ ୬୪ଟି ରନ୍‌ କରିଥିଲେ। ସେ ଦିନିକିଆ ଓ ଟି-୨୦ରେ ଶ୍ରୀଲଙ୍କା ପକ୍ଷରୁ ଖେଳିବାକୁ ସୁଯୋଗ ପାଉଥିଲେ ମଧ୍ୟ ୨୦୧୪ରୁ ଦଳ ପକ୍ଷରୁ ସେ କୌଣସି ଟେଷ୍ଟ ମ୍ୟାଚ୍‌ ଖେଳି ନାହାନ୍ତି।

୨୦୦୯ରେ ଦିନିକିଆ ମାନ୍ୟତାରେ ଏକ ନମ୍ବର ଥିବା କୁଳଶେଖରା ୧୭୩ ଦିନିକିଆ ଖେଳିଛନ୍ତି। ସେ ୫୦ଟି ଟି-୨୦ ଖେଳିଥିବା ବେଳେ ୨୦୧୬ ଟି-୨୦ ବିଶ୍ୱକପ୍‌ ପାଇଁ ଶ୍ରୀଲଙ୍କା ଦଳରେ ରହିଥିଲେ।

ଆହୁରି ପଢ଼ନ୍ତୁ

ଘରୋଇ ଦଳକୁ ଧୂଳି ଚଟାଇଲା ୱେଷ୍ଟଇଣ୍ଡିଜ୍

ପୁଣି ଭଉଣୀଙ୍କ ନାମରେ ଅଭିଯୋଗ ଆଣିଲେ ଦୂତୀ, କହିଲେ ଭାଇ-ଭାଉଜଙ୍କୁ ଘରେ ପୂରାଇ ଦେଉନାହାନ୍ତି ସରସ୍ୱତୀ

ସମଲିଙ୍ଗୀ ସମ୍ପର୍କକୁ ନେଇ ସାଂଘାତିକ୍‌ ଅଭିଯୋଗ ଆଣିଲେ ଦୂତୀ

ଫେସବୁକରୁ ବିଏମଡବ୍ଲୁ ପୋଷ୍ଟ ଡିଲିଟ୍ କଲେ ଦୂତୀ

ପ୍ରଥମ ଟେଷ୍ଟ: ୩୧୮ରେ ଇଣ୍ଡିଜ୍‌ ଅଲଆଉଟ, ୯୯ ରନ୍‌ ପଛରେ ଇଂଲଣ୍ଡ

ବିଏମ୍‌ଡବ୍ଲ୍ୟୁ କାର୍‌ ବିକିବାକୁ ଚାହୁଁଛନ୍ତି ଦୂତୀ ଚାନ୍ଦ, ଜାଣନ୍ତୁ କାହିଁକି?

ଯଦି ସୁନୀଲ ଗାଭାସ୍କରଙ୍କ ବାମ କାନରେ ନଥା’ନ୍ତା ସେହି ଛୋଟ ଜାଇ…

ଗାବ୍ରିଏଲ ଓ ହୋଲ୍ଡରଙ୍କ ଚମକ, ବ୍ୟାକଫୁଟ୍‌ରେ ଇଂଲଣ୍ଡ

ଏସିଆ କପ୍ ସ୍ଥଗିତ

ଭୂତ ଦେଖିଥିଲେ ସୌରଭ ଗାଙ୍ଗୁଲି!

କାହିଁକି ୫ ବର୍ଷ ପାଇଁ ଦାଦାଙ୍କୁ ଟିମ୍‌ରୁ ବାଦ ଦେଇଥିଲା ବିସିସିଆଇ

ଧୋନିଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଏମିତି ଟ୍ୱିଟ୍ କଲେ ସେହୱାଗ୍ ଓ କୈଫ