କ୍ୟାରିବିଆନ୍‌ ଟ୍ରାଇସିରିଜ୍‌ ପାଇଁ ମ୍ୟାକ୍ସୱେଲ୍‌ ଫିଟ୍‌

ମେଲ୍‌ବୋର୍ଣ୍ଣ: ଆଇପିଏଲ୍‌ରେ ଆହତ ହୋଇଥିବା ଗ୍ଲେନ୍‌ ମ୍ୟାକ୍ସୱେଲ ଖେଳିବେ ଆଗାମୀ କ୍ୟାରିବିଆନ୍‌ ଟ୍ରାଇସିରିଜ୍‌। ସେ ସୁସ୍ଥ ଥିବା ଆଜି ସୂଚନା ଦେଇଛନ୍ତି। ମେ’୧୫ରେ ପଞ୍ଜାବ କ୍ରିକେଟ ଆସୋସିଏସନ୍‌ରେ ହାଇଦ୍ରାବାଦ ପଞ୍ଜାବ ଠାରୁ ୭ ୱିକେଟରେ ପରାଜିତ ହୋଇଥିଲା। ଏଥିରେ ତାଙ୍କ ତଳିପେଟରେ ଗୁରୁତର ଆଘାତ ଲାଗିଥିବାରୁ ସେ ଦଳରୁ ବାଦ୍‌ ପଡିଥିଲେ।

ସେ କହିଛନ୍ତି,“ତଳିପେଟରେ ଆଘାତ ଆଘାତ କାରଣରୁ କ୍ୟାରିବିଆନ୍‌ ଟ୍ରାଇସିରିଜ୍‌କୁ ଦୃଷ୍ଟିରେ ରଖି ମତେ ଆଇପିଏଲ୍‌ ଅଧାରୁ ଦଳ ଛାଡି ସ୍ୱଦେଶକୁ ଫେରିବାକୁ ପଡିଥିଲା।”

ଏହି ଟୁର୍ଣ୍ଣାମେଣ୍ଟରେ ଅଷ୍ଟ୍ରେଲିଆ, ୱେଷ୍ଟଇଣ୍ଡିଜ୍‌ ଓ ଦକ୍ଷିଣ ଆଫ୍ରିକା ଭାଗ ନେବେ। ଏହା ୧୦ ଦିନ ଧରି ୱେଷ୍ଟ ଇଣ୍ଡିଜ୍‌ରେ ଖେଳାଯିବ।