ଲଣ୍ଡନ: ଆହତ କାରଣରୁ ଇଂଲଣ୍ଡ ବିପକ୍ଷ ବାକି ମ୍ୟାଚ୍ ଖେଳି ପାରିବେନି ପାକିସ୍ତାନର ଫାଷ୍ଟ ବୋଲର ମହମ୍ମଦ ଇର୍ଫାନ। ତେଣୁ ସେ ଲଂଲଣ୍ଡ ଗସ୍ତ ଅଧାରୁ ସ୍ୱଦେଶ ଫେରିବେ ବୋଲି ପାକିସ୍ତାନ କ୍ରିକେଟ ବୋର୍ଡ ଆଜି ସୂଚନା ଦେଇଛି।
ମହମ୍ମଦ ହଫିଜ୍ଙ୍କ ସ୍ଥାନରେ ଦଳରେ ସ୍ଥାନ ପାଇଥିଲେ ଇର୍ଫାନ। କିନ୍ତୁ ଆହତ କାରଣରୁ ସେ ଇଂଲଣ୍ଡ ବିପକ୍ଷ ବାକି ମ୍ୟାଚ୍ ଖେଳିବେ ନାହିଁ ବୋଲି ଜଣାପଡିଛି।
ପିସିବିର ଜଣେ ଉଚ୍ଚପଦସ୍ଥ କର୍ମଚାରୀ କହିଛନ୍ତି,“ଗତମ୍ୟାଚରେ ଇର୍ଫାନଙ୍କ ଜଙ୍ଘ ମାଂସପେଶୀ ଟାଣି ହୋଇଯିବାରୁ ସେ ଗୁରୁତର ଅସୁସ୍ଥ ହୋଇପଡିଥିଲେ। ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏବେ ତାଙ୍କୁ ସ୍ୱଦେଶ ଫେରାଇ ଆଣିବାକୁ ବ୍ୟବସ୍ଥା କରାଯାଉଛି।”
ଗତ ମ୍ୟାଚ୍ରେ ଇର୍ଫାନ ମାତ୍ର ୫ ଓଭର ବୋଲିଂ କରି ୨ ଟି ୱିକେଟ୍ ନେଇଥିଲେ। ଏହି ମ୍ୟାଚ୍ରେ ପାକିସ୍ତାନ ପରାସ୍ତ ହୋଇଥିଲା। ୫ ଟିକିଆ ଏହି ଟୁର୍ଣ୍ଣାମେଣ୍ଟରେ ଇଂଲଣ୍ଡ ୪-୦ରେ ସିରିଜି ଜିତି ସାରିଛି। ଟୁର୍ଣ୍ଣାମେଣ୍ଟର ଶେଷ ମ୍ୟାଚ୍ ଆଜି ଖେଳାଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
