ଏହି କ୍ରିକେଟରଙ୍କ ନାଁରେ ଆସିଲା ଅପହରଣ ଓ ନିର୍ଯାତନା ଅଭିଯୋଗ

jjj

jjj

Tapas Behera
  • Published: Tuesday, 21 December 2021
  • Updated: 21 December 2021, 09:06 AM IST

ନୂଆଦିଲ୍ଲୀ: ଜଣେ ଯୁବତୀଙ୍କୁ ଅପହରଣ, ନିର୍ଯାତନା ଏବଂ ଧମକ ଦେବା ଅଭିଯୋଗରେ ପାକିସ୍ତାନ ଟେଷ୍ଟ ଲେଗ ସ୍ପିନର ୟାସିର ଶାହା ଏବଂ ତାଙ୍କ ବନ୍ଧୁଙ୍କ ବିରୋଧରେ ପୁଲିସ ମାମଲା ରୁଜୁ କରିଛି। ଯୁବତୀଙ୍କ ଅଭିଯୋଗ ପରେ ଲାହୋର ଶାଲିମାର  ପୁଲିସ ଷ୍ଟେସନରେ ମାମଲା ପଞ୍ଜିକୃତ ହୋଇଛି। ହେଲେ ୟାସିର  ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଦେଇନାହାଁନ୍ତି।

ଅଭିଯୋଗ ଅନୁଯାୟୀ, ୟାସିରଙ୍କ ବନ୍ଧୁ ଫରହାନ୍ ତାଙ୍କୁ ବନ୍ଧୁକ ମୁନରେ ଅପହରଣ କରି ଦୁଷ୍କର୍ମ କରିଥିଲେ। ଏହାର ଭିଡିଓ ମଧ୍ୟ କରିଥିଲେ । ପରେ ସେ ତାଙ୍କୁ ଧମକ ଦେଇଥିଲେ। ଏଥିରେ ଫରହାନଙ୍କୁ ୟାସିର ଶାହା ସହଯୋଗ କରିଥିଲେ। ପରେ ଫରହାନ ତାଙ୍କୁ ଧମକ ଦେଇଥିଲେ। ଯଦି ଘଟଣା ବିଷୟରେ ପ୍ରଘଟ କରନ୍ତି ତେବେ  ସେମାନେ ତାଙ୍କ ଭିଡିଓ ଛାଡ଼ିଦେବେ ବୋଲି ବ୍ଲାକମେଲିଂ କରିଥିଲେ। ନାବାଳିକା ଜଣକ ଆହୁରି ଅଭିଯୋଗ କରିଛନ୍ତି ଯେ, ପୁଲିସକୁ ଜଣାବାକୁ କହିବାରୁ ମାମଲା ରଫାଦଫା ପାଇଁ ଉଦ୍ୟମ କରିଥିଲେ।

ୟାସିର ଉକ୍ତ ନାବାଳିକାଙ୍କୁ ଧମକ ଦେବା ସହ ଚୁପ୍ ରହିବାକୁ କହିଥିଲେ। ଏପରିକି ବନ୍ଧୁ ଫରହାନଙ୍କୁ ବିବାହ କରିବାକୁ ମଧ୍ୟ ଚାପ ପକାଇଥିଲେ।  ଏହି ମାମଲାକୁ ରଫାଦଫା କରିବାକୁ ନାବାଳିକାଙ୍କୁ ଏକ ଫ୍ଲାଟ ସହ ୧୮ ବର୍ଷ ପର୍ଯ୍ୟନ୍ତ ସମସ୍ତ ଖର୍ଚ୍ଚ ବହନ କରିବାକୁ ପ୍ରଲୋଭନ ଦେଇଥିଲେ ୟାସିର। ୟାସିର ଶାହଙ୍କ ପୂର୍ବରୁ ପାକିସ୍ତାନ ଅଧିନାୟକ ବାବର ଆଜମଙ୍କ ନାଁରେ ମଧ୍ୟ ଦୁଷ୍କର୍ମ ଅଭିଯୋଗ ହୋଇଥିଲା।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories