ବେଜିଂ: ଭାରତୀୟ ମହିଳା ରେସଲର୍ ରିତୁ ଫୋଗଟ୍ ନିଜର ଡେବ୍ୟୁ ମିକ୍ସଡ୍ ମାର୍ଶାଲ୍ ଆର୍ଟ (ଏମଏମଏ)ରେ ଦମଦାର ବିଜୟ ହାସଲ କରିଛନ୍ତି। ବେଜିଂରେ ଚାଲିଥିବା ୱାନ୍ ଚାମ୍ପିୟନଶିପ୍ ଏଜ୍ ଅଫ୍ ଡ୍ରାଗନ୍ ଇଭେଣ୍ଟରେ ରିତୁ ଦକ୍ଷିଣ ଆଫ୍ରିକାର କିମ୍ ନାମ-ହି'ଙ୍କୁ ମାତ୍ର ତିନି ମିନିଟରେ ନକଆଉଟ୍ କରିଛନ୍ତି।
୨୦୧୬ ରାଜ୍ୟଗୋଷ୍ଠୀ ରେସଲିଂ ଚାମ୍ପିୟନଶିପରେ ସ୍ୱର୍ଣ୍ଣ ପଦକ ଜିତିଥିବା ୨୫ ବର୍ଷୀୟା ରିତୁ ଚଳିତ ବର୍ଷ ଫେବୃଆରୀରେ ମିକ୍ସଡ୍ ମାର୍ଶାଲ୍ ଆର୍ଟରେ ପାଦ ଦେଇଥିଲେ। ଏଥିପାଇଁ ସେ ଇଭଲଭ୍ ଏମଏମଏ ଅଧୀନରେ ମୁଆଇ-ଥାଇ, ବ୍ରାଜିଲିଆନ୍ ଜି-ଜିତସୁ ଏବଂ ବକ୍ସିଂ ଟ୍ରେନିଂ ନେଇଥିଲେ।
The first of her famed wrestling family to hit MMA, Ritu Phogat (1-0) steamrolls Nam Hee Kim with takedowns and steady ground 'n pound en route to a merciful, first-round TKO from the mounted crucifix. Expect the former Commonwealth Games gold medalist to be pushed. #AgeOfDragons pic.twitter.com/bflEjy8u0i
— Kyle Johnson (@VonPreux) November 16, 2019
୨୦୨୦ ଟୋକିଓ ଅଲିମ୍ପିକ୍ସ ପାଇଁ ରିତୁଙ୍କୁ ୪୮ କେଜି ବର୍ଗରେ ଭାରତର ଦୃଢ଼ ପଦକ ଦାବିଦାର କୁହାଯାଉଥିଲା, କିନ୍ତୁ ଏହି ମହିଳା ରେସଲର୍ ନିଜ କ୍ୟାରିୟରକୁ ମିକ୍ସଡ୍ ମାର୍ଶାଲ ଆର୍ଟରେ ବିନିଯୋଗ କରିବାକୁ ନିଷ୍ପତ୍ତି ନେଇଥିଲେ। ଡେବ୍ୟୁ କରିବା ପୂର୍ବରୁ ରିତୁ କହିଥିଲେ, ମୁଁ ଭାରତ ପକ୍ଷରୁ ବିଶ୍ୱ ଚାମ୍ପିୟନଶିପ୍ ବେଲ୍ଟ ଜିତିବାକୁ ଚାହେଁ। ମୁଁ ମଧ୍ୟ ଦେଶର ପ୍ରଥମ ମିକ୍ସଡ୍ ମାର୍ଶାଲ୍ ଆର୍ଟ ବିଜେତା ଚାହେଁ ବୋଲି ରିତୁ କହିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
