ନୂଆଦିଲ୍ଲୀ: ତ୍ରୁଟିପୂର୍ଣ୍ଣ ବୋଲିଂ ଆକ୍ସନ ଯୋଗୁଁ ସୋମବାର ଶ୍ରୀଲଙ୍କାର ଫାଷ୍ଟ ବୋଲର ଶାମିନ୍ଦା ଏରଙ୍ଗାଙ୍କୁ ବାସନ୍ଦ କରିଛନ୍ତି ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି)।
ଆଇସିସିର ନିୟମ ଅନୁସାରେ ଲଫବୋର୍ଗସ୍ଥିତ ଜାତୀୟ କ୍ରିକେଟ ପର୍ଫୋମାନ୍ସ ସେଣ୍ଟରରେ ଏରଙ୍ଗାଙ୍କର ବୋଲିଂ ଟେଷ୍ଟ କରାଯାଇଥିଲା। ଟେଷ୍ଟ ବେଳେ ତାଙ୍କର କଚଟି ୧୫ ଡିଗ୍ରୀରୁ ଅଧିକ ବୁଲୁଥିବା ଜଣାପଡିଥିଲା। ତେଣୁ ତାଙ୍କୁ ବାସନ୍ଦ କରିବାକୁ ଆଇସିସି କର୍ତ୍ତୃପକ୍ଷ ନିଷ୍ପତ୍ତି ନେଇଥିଲେ ।
୨୯ ବର୍ଷୀୟ ଏହି ଫାଷ୍ଟ ବୋଲର ଜଣକ କେବଳ ଶ୍ରୀଲଙ୍କାରେ ଘରୋଇ ମ୍ୟାଚ୍ ଖେଳିବାକୁ ଆଇସିସି ଅନୁମତି ଦେଇଛି।
ବୋଲିଂ ଆକ୍ସନରେ ଥିବା ତ୍ରୁଟିକୁ ସୁଧାରିବାକୁ ହେଲେ ନିୟମିତ ଭାବେ ତାଙ୍କୁ ଆଇସିସିର ବୋଲିଂ ଟେଷ୍ଟରେ ଯୋଗ ଦେବାକୁ ପଡିବ ବୋଲି ଆଇସିସି ପକ୍ଷରୁ କୁହାଯାଇଛି।
ମେ’୩୧ରେ ଶାମିନ୍ଦାଙ୍କ ବୋଲିଂ ଆକ୍ସନରେ ତ୍ରୁଟି ଥିବା ନେଇ ଅଭିଯୋଗ ଆସିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
