ଜିଆନ୍(ଚାଇନା): ଏସିଆନ୍ ରେସଲିଂ ଚାମ୍ପିୟନଶିପ୍ର ମହିଳା ବର୍ଗରେ ଭାରତର ଦିବ୍ୟା କାକରନ୍ ଓ ମଞ୍ଜୁ କୁମାରୀ ବ୍ରୋଞ୍ଜ ପଦକ ଜିତିଛନ୍ତି।
ଏସିଆନ୍ ଗେମ୍ସରେ ବ୍ରୋଞ୍ଜ ପଦକ ପାଇଥିବା ଦିବ୍ୟାଙ୍କ ମୁକାବିଲା ୬୮ କେଜି ବର୍ଗରେ ମଙ୍ଗୋଲିଆର ଵାତସେତସେଗ ସୋରୋଞ୍ଜନବୋଲଡଙ୍କ ସହ ହୋଇଥିଲା। ତେବେ ଏଥିରେ ଭାରତର ଦିବ୍ୟା ବାଜିମାତ କରିଥିଲେ।
ସେହିପରି ୫୯ କେଜି ବର୍ଗରେ ମଞ୍ଜୁ କୁମାରୀ ଭିଏତନାମର ରେସଲର ଥି ହୁଅଙ୍ଗ ଦାଓଙ୍କୁ ପରାସ୍ତ କରି ପଦକ ଜିତିଛନ୍ତି। ଅନ୍ୟତମ ଭାରତୀୟ ରେସଲର ସୀମା ୫୦ କେଜି ବର୍ଗରେ ପ୍ଲେ-ଅଫ୍ ପର୍ଯ୍ୟାୟକୁ ଯାଇଥିଲେ ହେଁ ବିଫଳ ହୋଇଛନ୍ତି। ସୀମାଙ୍କୁ କାଜାଖସ୍ତାନର ଭାଲେଣ୍ଟିନା ଇଭୋନୋଭାନ ପରାସ୍ତ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
