୧୪ବର୍ଷୀୟ ବାଳକର ସାହସିକତା: ବଞ୍ଚାଇଥିଲେ ୪ ଜୀବନ

କେନ୍ଦୁଝର(ଓଡ଼ିଶା ରିପୋର୍ଟର): ବିପଦକୁ ଡର ନାହିଁ। ନିଜ ଜୀବନକୁ ବାଜି ଲଗାଇ ଅନ୍ୟକୁ ବଞ୍ଚାଇଥାନ୍ତି। ତାଙ୍କ ପାଇଁ କେତେବେଳେ କୂଅରେ ପଡ଼ିଥିବା ଛୋଟ ଶିଶୁ ତ ଆଉ କେତେବେଳେ ନଦୀରେ ବୁଡ଼ିଯାଉଥିବା ମହିଳା ପାଇଛନ୍ତି ନୂଆ ଜୀବନ। ଏଭଳି ଜଣେ ସାହସୀ ବାଳକ ହେଉଛନ୍ତି କେନ୍ଦୁଝର ଜିଲ୍ଲା ଚମ୍ପୁ‌ଆ ବ୍ଲକ କାଟୁଳିକନା ଗାଁ ଢିପସାହିର ପଙ୍କଜ ମହାନ୍ତ। ବୟସ ମାତ୍ର ୧୪ ବର୍ଷ। ତେ ବେ ନିଜର ସାହସିକତା ପାଇଁ ଆସନ୍ତା ସାଧାରଣତନ୍ତ୍ର ଦିବସରେ ପଙ୍କଜ ଜାତୀୟ ସାହସିକତା ପୁରସ୍କାର ପାଇବାକୁ ଯାଉଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ପୁରସ୍କୃତ କରିବେ। ଏନେଇ ପଙ୍କଜଙ୍କ ପରିବାର ଲୋକେ ବେଶ ଗର୍ବ ଅନୁଭବ କରୁଛନ୍ତି।

ଆସନ୍ତୁ ଜାଣିବା ପଙ୍କଜଙ୍କ ସାହସିକତା ବିଷୟରେ-

ମେ’୨୨ ତାରିଖରେ ଢିପସାହିର ସୁଚିତା, ବୈଜୟନ୍ତି  ଓ ପୁଷ୍ପଲତାଙ୍କ ପାଇଁ ଥିଲା ଏକ ଅଭୁଲା ଦିନ। ବୈତରଣୀ ନଦୀର ବିହିଡିଲ ଘାଟରେ ଏହି ମହିଳାମାନେ  ବୁଡ଼ି ଯାଉଥିଲେ। ଏହା ଦେଖି ପଙ୍କଜ ଗଣ୍ଡକୁ ଡେଇଁ ପଡ଼ିଥିଲେ। ଜଣଙ୍କ ପରେ ଜଣେ ତିନି ଜଣ ମହିଳାଙ୍କୁ ଉଦ୍ଧାର କରି ନୂଆ ଜୀବନ ଦେଇଥିଲେ ।

ସାହାସୀ ବାଳକ ପଙ୍କଜ କହିଛନ୍ତି-“ତିନି ଜଣ ମହିଳା ବୁଡ଼ି ଯାଉଥିଲେ। ସେମାନଙ୍କୁ ବୁଡ଼ି ଯାଉଥିବାର ଦେଖି ମୁଁ ରହିପାରିଲିନି। ମୁଁ ଗଣ୍ଡ ଭିତରକୁ ଡେଇଁ ପଡ଼ି ସେମାନଙ୍କୁ ଉଦ୍ଧାର କରିଥିଲି।”

କେବଳ ଏହି ଘଟଣା ନୁହେଁ, ପୂର୍ବରୁ ମଧ୍ୟ କୂଅରୁ ଏକ ଶିଶୁ ପୁତ୍ରକୁ ଉଦ୍ଧାର କରି ଚର୍ଚ୍ଚାକୁ ଆସିଥିଲେ। କେହି ବିପଦରେ ପଡ଼ିଥିଲେ ପଙ୍କଜ ସ୍ଥିର ହୋଇରହିପାରନ୍ତି ନାହିଁ, ସାହାଯ୍ୟ କରିବାକୁ ଆଗେଇ ଆସିଥାନ୍ତି। ପଙ୍କଜଙ୍କ ଏହି ସାହସିକତା ପାଇଁ ଖାଲି ତାଙ୍କ ପରିବାର ନୁହେଁ, କେନ୍ଦୁଝର ଜିଲ୍ଲା ମଧ୍ୟ ଗର୍ବିତ। ସେ ଅନ୍ୟମାନଙ୍କ ପାଇଁ ଏକ ପ୍ରେରଣାର ଉତ୍ସ ବୋଲି ପାଲଟିଥିବା ଜିଲ୍ଲାପାଳ କହିଛନ୍ତି।

ପଙ୍କଜର ମାଆ ବାସନ୍ତୀ ମହାନ୍ତ କହିଛନ୍ତି,“ଅନ୍ୟକୁ ସାହାଯ୍ୟ କରିବା ମୋ ପୁଅର ପ୍ରକୃତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାକୁ ସାହାସିକତା ପୁରସ୍କାର ଦେବା କଥାର ଶୁଣି ଆମେ ବହୁତ ଖୁସି ଅଛୁ। ପୁଅ ପାଇଁ ଆମେ ବହୁତ ଗର୍ବ ଅନୁଭବ କରୁଛୁ।”

ଜିଲ୍ଲାପାଳ ଡ.ଏନ୍.ତିରୁମାଲା କହିଛନ୍ତି,“ଆସନ୍ତା ସାଧାରଣତନ୍ତ୍ର ଦିବସରେ ପଙ୍କଜଙ୍କୁ ସାହାସିକତାର ପୁରସ୍କାର ଦିଆଯିବ।  ଏହା ଆମ ପାଇଁ ଖୁସି ଖବର। ଏହା ଆମ ଜିଲ୍ଲା ପାଇଁ ଗର୍ବର କଥା।”

 

ଆହୁରି ପଢ଼ନ୍ତୁ

ଦୁଃଖ ଦେଉଛି ଗାଟେଣୀ ନଦୀ; ବର୍ଷା ବଢ଼ିଲେ ବଢ଼ୁଛି ଚିନ୍ତା

ପତଳା ଶରୀର ପାଇଁ ଚିନ୍ତିତ କି? ଏହି ସବୁ ଫଳ ଖାଇ ବଢ଼ାନ୍ତୁ ଓଜନ

ବିହାର ରାଜନୀତିର ଲଡ଼ୁ ମିଳୁ ବା ନ ମିଳୁ, ଏହି ବିଶ୍ୱ ପ୍ରସିଦ୍ଧ ଲଡ଼ୁ ଥରେ ନିଶ୍ଚୟ ଚାଖନ୍ତୁ…

ଲକଡାଉନ୍ ପରେ ବଢ଼ିଛି ମେରୁଦଣ୍ଡ ଜନିତ ସମସ୍ୟା

ଦୁଃସାହସୀ ଡାକ୍ତର: କୋଭିଡ୍ ଆତଙ୍କକୁ ବେଖାତିର୍ କରି ୮୭ ବର୍ଷରେ ଚାଲିଛି ରୋଗୀ ସେବା

ଓଡ଼ିଶା ସରକାରଙ୍କ ଆଳୁ ମିଶନର ସ୍ଥିତି କେଉଁଠି?

ଭୋରରୁ ଟ୍ୟୁସନ ଯିବା ପୂର୍ବରୁ କାହିଁକି ଗାଧୋଉଥିଲେ କଲାମ?

ଇଣ୍ଟରନେଟରେ ପାଳିଲେ ‘ଖୋକା ଭାଇ’ଙ୍କ ଜନ୍ମଦିନ, ଯୋଗଦେଲେ ଅକ୍ଷୟ ପ୍ରେମୀ

ଡଲଫିନଙ୍କୁ ସୁହାଉଛି ଗଙ୍ଗା ନଦୀ

ଟଙ୍କା ୫୦୦ରେ ବି ଭରୁନି ପରିବା ବ୍ୟାଗ୍, କେତେ ସହିବ ଖାଉଟି!

ମୁମ୍ୱାଇ ପୁଲିସ କମିଶନରଙ୍କ ସ୍ତ୍ରୀ କିଏ? ଯିଏକି ୭ଟି କମ୍ପାନୀର ନିର୍ଦ୍ଦେଶକ

ଅଗ୍ନିକାଣ୍ଡ ପରିସ୍ଥିତିକୁ ରୋକିବାକୁ ଆପଣ କେତେ ସତର୍କ?