ପୁରୀ: ଶ୍ରୀମନ୍ଦିର ପରିଚାଳନା କମିଟିର ଗୁରୁତ୍ୱପୂର୍ଣ୍ଣ ବୈଠକ ଆଜି ଭୁବନେଶ୍ୱରରେ ହୋଇଯାଇଛି। ଗଜପତି ମହାରାଜ ଦିବ୍ୟ ସିଂହ ଦେବଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକ ଶ୍ରୀମନ୍ଦିର କର୍ପସ ପାଣ୍ଡି ବୃଦ୍ଧି କରାଯାଇଛି। ଆସନ୍ତା ୨୦୧୬-୧୭ ବର୍ଷ ପାଇଁ ଶ୍ରୀମନ୍ଦିର ଲାଗି ୧୯୭ କୋଟି ଟଙ୍କାର ବଜେଟ କରାଯାଇଛି। ଜଗମୋହନରେ ସୃଷ୍ଟି ହୋଇଥିବା ଫାଟ ମରାମତି ଲାଗି ୧ କୋଟି ଟଙ୍କା ବ୍ୟୟବରାଦ କରାଯାଇଛି। ବଜେଟ୍ରେ ୨ଟି ଯାତ୍ରୀନିବାସ ଓ ଏକ ମଡେଲ ସ୍କୁଲ ନିର୍ମାଣ ଉପରେ ଫୋକସ୍ କରାଯାଇଛି। ସେହିପରି ଜଗନ୍ନାଥ ବଲ୍ଲଭ ପ୍ରମୋଦ ଉଦ୍ୟାନର ଉନ୍ନତିକରଣ ଲଶଗି ବୈଠକରେ ନିଷ୍ପତ୍ତି ନିଆଯାଇଛି। ଏଥିରେ ୨୦୧୬-୧୭ ଆର୍ଥିକ ବର୍ଷ ଲାଗି ଶ୍ରୀମନ୍ଦିରର ୧୯୪ କୋଟି ୮୯ ଲକ୍ଷ ୪୫ ହଜାର ଟଙ୍କା ଆୟ ଲକ୍ଷ୍ୟ ରଖା ଯାଇଛି। ସେହିପରି ୧୯୪ କୋଟି ୮୮ ଲକ୍ଷ ୪୫ ହଜାର ଟଙ୍କା ବ୍ୟୟ ବରାଦ ଲକ୍ଷ୍ୟ ରଖାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।