ଭୁବନେଶ୍ୱର: ଦଳ ଉପରେ ବରିଷ୍ଠ ବିଜେଡି ନେତା ତଥ ଦଳର ଉପସଭାପତି ଦାମୋଦର ରାଉତ ଅଭିମାନ କରିଛନ୍ତି। ଏତେ ଅଭିମାନ କରିଛନ୍ତି ଯେ ମହାନଦୀ ପ୍ରସଙ୍ଗକୁ ନେଇ ଆଜି ବସିଥିବା ପ୍ରସ୍ତୁତି ବୈଠକରେ ସେ ସଭାମଞ୍ଚରେ ବସି ନ ଥିଲେ।
ମଞ୍ଚରେ ମୁଖ୍ୟମନ୍ତ୍ରୀଙ୍କ ସହ ଉପସଭାପତିମାନଙ୍କ ବସିବା ପାଇଁ ବ୍ୟବସ୍ଥା କରାଯାଇଥିଲା। ହେଲେ ଦାମ ମଞ୍ଚ ଉପରକୁ ନ ଯାଇ ତଳେ ଆଗ ଧାଡ଼ିରେ ବସିଥିଲେ। ବୈଠକ ପରିଚାଳନା କରୁଥିବା ଦଳୀୟ ଉପସଭାପତି ସୂର୍ଯ୍ୟ ନାରାୟଣ ପାତ୍ର ତାଙ୍କୁ ମଞ୍ଚକୁ ଡାକିଥିଲେ। ହେଲେ ସେ ଯାଇ ନ ଥିଲେ। ପରେ ମନ୍ତ୍ରୀ ଦେବୀ ମିଶ୍ର ଆସି ତାଙ୍କୁ ମଞ୍ଚ ଉପରକୁ ଯିବାକୁ ଅନୁରୋଧ କରିଥିଲେ ମଧ୍ୟ ସେ ତାଙ୍କ ଅନୁରୋଧ ରକ୍ଷା କରି ନ ଥିଲେ।
ଆଣ୍ଠୁରେ ଯନ୍ତ୍ରଣା ଯୋଗୁଁ ଦାମ ମଞ୍ଚକୁ ଯାଇ ନ ଥିଲେ ବୋଲି କହିଛନ୍ତି। ହେଲେ ମହାନଦୀ ପ୍ରସଙ୍ଗରେ ବିଧାନସଭାରେ ତାଙ୍କୁ କହିବାକୁ ସୁଯୋଗ ମିଳି ନ ଥିବାରୁ ସେ ଅଭିମାନ କରିଥିବା ଚର୍ଚ୍ଚା ହେଉଛି।
ବିଜେଡି ସାଧାରଣ ସମ୍ପାଦକ ଦେବୀପ୍ରସାଦ ମିଶ୍ର କହିଛନ୍ତି,“ବିଧାନସଭାରେ କହିବାକୁ ଦିଆ ନ ଯିବାରୁ ଦାମ ବାବୁ ଅଭିମାନ କରିଛନ୍ତି ଯାହା କୁହାଯାଉଛି ତାହା ସମ୍ପୂର୍ଣ୍ଣ ଭୁଲ। ସେ ନିଜେ ସ୍ପଷ୍ଠ କରିଛନ୍ତି ତାଙ୍କ ଆଣ୍ଠୁରେ ଯନ୍ତ୍ରଣା ଥିବାରୁ ସେ ମଞ୍ଚ ଉପରକୁ ଯାଇ ନ ଥିଲେ। ଏହା ଉପରେ ମନ୍ତବ୍ୟ ଦେବା ଠିକ୍ ହେବ ନାହିଁ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।