ମାଲକାନଗିରି: ମାଲକାନଗିରି ଜିଲ୍ଲା କୋରକୁଣ୍ଡା ବ୍ଳକ୍ ମୁଣ୍ଡିଗୁଡ଼ା ଗାଁରେ ଆଜି ଏକ ଦୁଃଖଦ ଘଟଣା ଘଟିଛି। ଗାଁର ଏକ ଦମ୍ପତି ଓ ସେମାନଙ୍କ ଶିଶୁ କନ୍ୟାର ମୃତଦେହକୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି। ମା’ ଓ ଝିଅଟିର ଦେହ ଝୁଲନ୍ତା ଅବସ୍ଥାରେ ଘର ଭିତରୁ ମିଳିଥିବା ବେଳେ ବାପାର ଝୁଲନ୍ତା ଶରୀରକୁ ଘର ବାହାରେ ଏକ ଗଛରେ ଠାବ କରାଯାଇଥିଲା। ମୃତଦେହଗୁଡ଼ିକୁ ଦେଖିବା ପରେ ସ୍ଥାନୀୟ ଲୋକେ ପୋଲିସ୍କୁ ଖବର ଦେଇଥିଲେ। ପୋଲିସ୍ ଘଟଣାସ୍ଥଳରେ ପହଞ୍ଚି ମୃତଦେହଗୁଡ଼ିକୁ ଉଦ୍ଧାର କରିଛି।
ଗତକାଲି ଏହି ପରିବାର ଛତିଶଗଡ଼ର ସୁକୁମାକୁ ଏକ ଭୋଜି ଖାଇବା ପାଇଁ ଯାଇଥିଲେ। ଗତକାଲି ରାତିରେ ଏ ଘଟଣା ଘଟିଛି। ତେବେ ଏହା ହତ୍ୟା ନା ଆତ୍ମହତ୍ୟା ତାହା ସ୍ପଷ୍ଟ ହୋଇନାହିଁ। ମୃତ ଦମ୍ପତିଙ୍କର ଆଉ ଏକ ଝିଅ ଜୀବିତ ଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।