ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ମାଲକାନଗିରି(ଓଡ଼ିଶା ରିପୋର୍ଟର): ମାଓ ଉପଦ୍ରବ ଅଞ୍ଚଳରେ ଅଧିକ ଫୋର୍ସ ମୁତୟନ। ଏହାଛଡ଼ା କ୍ୟାମ୍ପ୍ ମଧ୍ୟ ପ୍ରତିଷ୍ଠା କରାଯିବ। ମାଲକାନଗିରି ଗସ୍ତ ଅବସରରେ ଏପରି ସୂଚନା ଦେଇଛନ୍ତି ପୋଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମା।</p> <p>ଲାଲଗଡ଼ରେ ରାଜ୍ୟ ପୋଲିସ ଡିଜି। ସେ ପ୍ରଥମେ ବଡପଡ଼ା ବିଏସ୍‌ଏଫ୍‌ କ୍ୟାମ୍ପକୁ ଯାଇ ସୁରକ୍ଷା କର୍ମୀଙ୍କୁ ଭେଟିଥିଲେ। ଆଗାମୀ ଦିନରେ କିଭଳି ମାଓ ଦମନ କରିହେବ, ସେନେଇ ଆଲୋଚନା କରିଥିଲେ। ପରେ ଡିଜିପି ବାଇକରେ ଗୁରୁପ୍ରିୟା ସେତୁ ଅଞ୍ଚଳକୁ ଯାଇ ନିର୍ମାଣ କାର୍ଯ୍ୟର ଅଗ୍ରଗତି ଓ ଏହାର ସୁରକ୍ଷା ବ୍ୟବସ୍ଥାର ସମୀକ୍ଷା କରିଥିଲେ। ଏହାପରେ ଡିଜିପି ମାଲକାନଗିରି ଏସ୍‌ପିଙ୍କ କାର୍ଯ୍ୟାଳୟରେ ହୋଇଥିବା ବରିଷ୍ଠ ଅଧିକରୀଙ୍କ ସହ ରୁଦ୍ଧଦ୍ୱାର ବୈଠକରେ ଯୋଗଦେଇ ମାଓ ଦମନ ରଣନୀତି ନେଇ ଆଲୋଚନା କରିଥିଲେ। ମାଓ ଉପଦ୍ରବ ଅଞ୍ଚଳରେ ଅଧିକ ଫୋର୍ସ ମୁତୟନ, କ୍ୟାମ୍ପ ପ୍ରତିଷ୍ଠା, ଆନ୍ଧ୍ର-ଓଡ଼ିଶାର ମିଳିତ ଅପରେସନକୁ ଜୋରଦାର କରାଯିବା ଉପରେ ଡିଜିପି ଗୁରୁତ୍ୱ ଦେଇଛନ୍ତି।</p> <p>ଗତ କିଛି ଦିନ ଭିତରେ ବିଛିନ୍ନାଞ୍ଚଳରେ ମାଓ ଉପଦ୍ରବ ବଢିଛି। ଗତ ୧୫ ତାରିଖରେ ସୁରକ୍ଷାକର୍ମୀଙ୍କ କ୍ୟାମ୍ପକୁ ଆସୁଥିବା ରାସନ ସାମଗ୍ରୀ ବୋଝେଇ ବୋଟକୁ ଲୁଟି ନେଇଥିଲେ ଲାଲବାହିନୀ। ସେହିପରି କିଛିଦିନ ତଳେ ପୋଲିସ୍ ଇନଫର୍ମର ସନ୍ଦେହରେ ବିଚ୍ଛିନ୍ନାଞ୍ଚଳରେ ଜଣେ ବୋଟ୍ ଡ୍ରାଇଭରଙ୍କୁ ହତ୍ୟା କରାଯାଇଥିଲା। ଗୁଇନ୍ଦା ସୂଚନା ଅନୁସାରେ ଆନ୍ଧ୍ର କ୍ୟାଡର ମାଓବାଦୀମାନେ ବିଛିନ୍ନାଞ୍ଚଳକୁ ପଳାଇ ଆସି ପ୍ରଭାବ ବିସ୍ତାର କରିବାରେ ଲାଗିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
