ଯୁବତୀ ଚାଲାଣର ଗଡ଼ ସୁନ୍ଦରଗଡ଼!

<p>ସୁନ୍ଦରଗଡ଼: ମହିଳା ଚାଲାଣର ଗଡ଼ ପାଲଟିଛି ସୁନ୍ଦରଗଡ଼। କେବେ ରାଜ୍ୟ ବାହାରକୁ ତ ଆଉ କେବେ ବିଦେଶକୁ ଚାଲାଣ କରାଯାଉଛି ଯୁବତୀଙ୍କୁ। ଚାକିରିର ଲୋଭ ଦେଖାଇ କର୍ମ ସଂସ୍ଥାନ ବଦଳରେ ଦିଆଯାଉଛି ଶାରିରୀକ ଏବଂ ମାନସିକ ନିର୍ଯାତନା। ସାଉଦି ଆରବରୁ ଉଦ୍ଧାର ହୋଇଥିବା ୨ ଯୁବତୀଙ୍କ ଏଭଳି ସୂଚନା ଗତକାଲି ଚାଞ୍ଚଲ୍ୟ ଖେଳାଇ ଦେଇଥିଲା। ଏକ ସ୍ୱେଛାସେବୀ ସଂସ୍ଥାର ସର୍ଭେ କହୁଛି, ଗତ ୧୦ ବର୍ଷ ମଧ୍ୟରେ ୪୩ ହଜାରରୁ ଅଧିକ ଯୁବତୀ ଓ ମହିଳାଙ୍କୁ ଏଭଳି ଚାଲାଣ କରାଯାଇଛି। ତା&rsquo;ମଧ୍ୟରୁ ୧୩ ହଜାର ମହିଳାଙ୍କର କୌଣସି ପତ୍ତାମିଳୁନି।</p> <p>ସୁନ୍ଦରଗଡ଼ ସରାଜଙ୍ଘା ଗାଁର ବ୍ଲାସିଉସ୍ ଲାକଡାଙ୍କ ଝିଅକୁ ଚାକିରି ଆଳରେ ମୁମ୍ବାଇ ନେଇ ଯାଇଥିଲେ ତାଙ୍କର ଜଣେ ସମ୍ପର୍କୀୟ। କିନ୍ତୁ ଲଗାଯାଇଥିଲା ଜଣେ ଡାକ୍ତରଙ୍କ ଘର କାମରେ। ଶେଷରେ ନିର୍ଯାତନା ସହି ନପାରି ମୁମ୍ବାଇରୁ କୁଆଡ଼େ ଚାଲିଗଲେ ବ୍ଲାସିଉସଙ୍କ ଝିଅ। ଏଯାଏଁ ତାଙ୍କ ପତ୍ତା ମିଳୁନି। ସମାନ ଯନ୍ତ୍ରଣା ସରାଜଙ୍ଘା ଗାଁର ଫ୍ଲୋରା ଲାକଡାଙ୍କର। ଦଲାଲ୍ ହାବୁଡ଼ରେ ପଡ଼ି ୧୪ ବର୍ଷ ବୟସରେ ଦିଲ୍ଲୀ ଚାଲିଯାଇଥିଲା ତାଙ୍କ ଝିଅ। ଏହା ମଧ୍ୟରେ ୧୬ ବର୍ଷ ବିତିଗଲାଣି, କିନ୍ତୁ ଝିଅ ନା ଘରକୁ ଫେରୁଛି, ନା ତା&rsquo;ର କୌଣସି ପତ୍ତା ମିଳୁଛି।</p> <p>ସୁନ୍ଦରଗଡ଼ ଜିଲ୍ଲାରେ ଅଛି ଏମିତି ଅସଂଖ୍ୟ କାହାଣୀ। ଏହି ସ୍ୱେଛାସେବୀ ସଂସ୍ଥାର ସର୍ଭେ ରିପୋର୍ଟ ଅନୁଯାୟୀ, ଗୋଟିଏ ଦଶନ୍ଧି ମଧ୍ୟରେ ଜିଲ୍ଲାରୁ ଚାଲାଣ ହୋଇଛନ୍ତି ୪୨ ହଜାର ୭୧୩ ଯୁବତୀ। ସେମାନଙ୍କ ମଧ୍ୟରୁ ୧୩ ହଜାର ଯୁବତୀଙ୍କର ପତ୍ତା ମିଳୁନି। ବିଶେଷ କରି ଜିଲ୍ଲାର କୁତ୍ରା, ଲେଫ୍ରିପଡ଼ା, ବାଲିଶଙ୍କରା ଏବଂ ସବଡେଗା ବ୍ଲକରେ ସ୍ଥିତି ସଂଗୀନ ରହିଛି। ଅଭାବ, ଅନଟନ ଯୋଗୁ କିଏ ଚାକିରି ଆଶାରେ ତ ଆଉ କିଏ ଅନ୍ୟ କର୍ମସଂସ୍ଥାନ ପାଇଁ ଦଲାଲ୍ ମାଧ୍ୟମରେ ରାଜ୍ୟ ଓ ଦେଶ ବାହାରକୁ ଚାଲିଯାଉଛନ୍ତି। ପରବର୍ତ୍ତୀ ସମୟରେ ଶୋଷଣର ଶିକାର ହେବା ସହ ଅନେକ ନିଖୋଜ ହୋଇଯାଉଛନ୍ତି।</p> <p>ସୁନ୍ଦରଗଡ଼ ଏସ୍&zwnj;ପି ପିନାକ ମିଶ୍ର କହିଛନ୍ତି, ଯୁବତୀ ଚାଲାଣ ନେଇ ବହୁତ କାରଣ ରହିଛି। ଆମେ ସେସବୁ କାରଣଗୁଡ଼ିକୁ ଖୋଜିବାକୁ ପ୍ରୟାସ କରୁଛୁ। ଏଥିପାଇଁ ଜିଲ୍ଲା ପ୍ରଶାସନର ସହାୟତା ମଧ୍ୟ ନେଉଛୁ। ସମସ୍ତଙ୍କ ସହଯୋଗରେ ସଠିକ୍ କାରଣଗୁଡ଼ିକ ଜାଣି ହେବ। ତା&rsquo;ହେଲେ ଯୁବତୀ ଚାଲାଣ ରୋକିବା ଦିଗରେ ଆହୁରି ଠୋସ୍ ପଦକ୍ଷେପ ନେଇ ହେବ।</p> <p>ସୁନ୍ଦରଗଡ଼ ଜିଲ୍ଲାରେ ଉଦ୍&zwnj;ବେଗଜନକ ସ୍ଥିତିରେ ଥିବା ମହିଳା ଚାଲାଣ ରାକେଟ୍&zwnj;କୁ ରୋକିବାରେ କାହିଁକି ନିଆଯାଇପାରୁନି ଠୋସ୍ ପଦକ୍ଷେପ? କେଉଁଠି ରହୁଛି ଭୁଲ୍ ? ରୋଜଗାରର ମୋହ ନା ଦଲାଲର ଷଡ଼ଯନ୍ତ୍ର? ଏସବୁ ଉପରେ ସରକାରୀ ଏବଂ ପ୍ରଶାସନିକ ଫୋକସ୍ ରହିବା ଜରୁରୀ।</p>

Ordigital Desk
  • Published: Wednesday, 13 December 2017
  • Updated: 13 December 2017, 10:26 PM IST

Sports

Latest News

<p>ସୁନ୍ଦରଗଡ଼: ମହିଳା ଚାଲାଣର ଗଡ଼ ପାଲଟିଛି ସୁନ୍ଦରଗଡ଼। କେବେ ରାଜ୍ୟ ବାହାରକୁ ତ ଆଉ କେବେ ବିଦେଶକୁ ଚାଲାଣ କରାଯାଉଛି ଯୁବତୀଙ୍କୁ। ଚାକିରିର ଲୋଭ ଦେଖାଇ କର୍ମ ସଂସ୍ଥାନ ବଦଳରେ ଦିଆଯାଉଛି ଶାରିରୀକ ଏବଂ ମାନସିକ ନିର୍ଯାତନା। ସାଉଦି ଆରବରୁ ଉଦ୍ଧାର ହୋଇଥିବା ୨ ଯୁବତୀଙ୍କ ଏଭଳି ସୂଚନା ଗତକାଲି ଚାଞ୍ଚଲ୍ୟ ଖେଳାଇ ଦେଇଥିଲା। ଏକ ସ୍ୱେଛାସେବୀ ସଂସ୍ଥାର ସର୍ଭେ କହୁଛି, ଗତ ୧୦ ବର୍ଷ ମଧ୍ୟରେ ୪୩ ହଜାରରୁ ଅଧିକ ଯୁବତୀ ଓ ମହିଳାଙ୍କୁ ଏଭଳି ଚାଲାଣ କରାଯାଇଛି। ତା&rsquo;ମଧ୍ୟରୁ ୧୩ ହଜାର ମହିଳାଙ୍କର କୌଣସି ପତ୍ତାମିଳୁନି।</p><p>ସୁନ୍ଦରଗଡ଼ ସରାଜଙ୍ଘା ଗାଁର ବ୍ଲାସିଉସ୍ ଲାକଡାଙ୍କ ଝିଅକୁ ଚାକିରି ଆଳରେ ମୁମ୍ବାଇ ନେଇ ଯାଇଥିଲେ ତାଙ୍କର ଜଣେ ସମ୍ପର୍କୀୟ। କିନ୍ତୁ ଲଗାଯାଇଥିଲା ଜଣେ ଡାକ୍ତରଙ୍କ ଘର କାମରେ। ଶେଷରେ ନିର୍ଯାତନା ସହି ନପାରି ମୁମ୍ବାଇରୁ କୁଆଡ଼େ ଚାଲିଗଲେ ବ୍ଲାସିଉସଙ୍କ ଝିଅ। ଏଯାଏଁ ତାଙ୍କ ପତ୍ତା ମିଳୁନି। ସମାନ ଯନ୍ତ୍ରଣା ସରାଜଙ୍ଘା ଗାଁର ଫ୍ଲୋରା ଲାକଡାଙ୍କର। ଦଲାଲ୍ ହାବୁଡ଼ରେ ପଡ଼ି ୧୪ ବର୍ଷ ବୟସରେ ଦିଲ୍ଲୀ ଚାଲିଯାଇଥିଲା ତାଙ୍କ ଝିଅ। ଏହା ମଧ୍ୟରେ ୧୬ ବର୍ଷ ବିତିଗଲାଣି, କିନ୍ତୁ ଝିଅ ନା ଘରକୁ ଫେରୁଛି, ନା ତା&rsquo;ର କୌଣସି ପତ୍ତା ମିଳୁଛି।</p><p>ସୁନ୍ଦରଗଡ଼ ଜିଲ୍ଲାରେ ଅଛି ଏମିତି ଅସଂଖ୍ୟ କାହାଣୀ। ଏହି ସ୍ୱେଛାସେବୀ ସଂସ୍ଥାର ସର୍ଭେ ରିପୋର୍ଟ ଅନୁଯାୟୀ, ଗୋଟିଏ ଦଶନ୍ଧି ମଧ୍ୟରେ ଜିଲ୍ଲାରୁ ଚାଲାଣ ହୋଇଛନ୍ତି ୪୨ ହଜାର ୭୧୩ ଯୁବତୀ। ସେମାନଙ୍କ ମଧ୍ୟରୁ ୧୩ ହଜାର ଯୁବତୀଙ୍କର ପତ୍ତା ମିଳୁନି। ବିଶେଷ କରି ଜିଲ୍ଲାର କୁତ୍ରା, ଲେଫ୍ରିପଡ଼ା, ବାଲିଶଙ୍କରା ଏବଂ ସବଡେଗା ବ୍ଲକରେ ସ୍ଥିତି ସଂଗୀନ ରହିଛି। ଅଭାବ, ଅନଟନ ଯୋଗୁ କିଏ ଚାକିରି ଆଶାରେ ତ ଆଉ କିଏ ଅନ୍ୟ କର୍ମସଂସ୍ଥାନ ପାଇଁ ଦଲାଲ୍ ମାଧ୍ୟମରେ ରାଜ୍ୟ ଓ ଦେଶ ବାହାରକୁ ଚାଲିଯାଉଛନ୍ତି। ପରବର୍ତ୍ତୀ ସମୟରେ ଶୋଷଣର ଶିକାର ହେବା ସହ ଅନେକ ନିଖୋଜ ହୋଇଯାଉଛନ୍ତି।</p><p>ସୁନ୍ଦରଗଡ଼ ଏସ୍&zwnj;ପି ପିନାକ ମିଶ୍ର କହିଛନ୍ତି, ଯୁବତୀ ଚାଲାଣ ନେଇ ବହୁତ କାରଣ ରହିଛି। ଆମେ ସେସବୁ କାରଣଗୁଡ଼ିକୁ ଖୋଜିବାକୁ ପ୍ରୟାସ କରୁଛୁ। ଏଥିପାଇଁ ଜିଲ୍ଲା ପ୍ରଶାସନର ସହାୟତା ମଧ୍ୟ ନେଉଛୁ। ସମସ୍ତଙ୍କ ସହଯୋଗରେ ସଠିକ୍ କାରଣଗୁଡ଼ିକ ଜାଣି ହେବ। ତା&rsquo;ହେଲେ ଯୁବତୀ ଚାଲାଣ ରୋକିବା ଦିଗରେ ଆହୁରି ଠୋସ୍ ପଦକ୍ଷେପ ନେଇ ହେବ।</p><p>ସୁନ୍ଦରଗଡ଼ ଜିଲ୍ଲାରେ ଉଦ୍&zwnj;ବେଗଜନକ ସ୍ଥିତିରେ ଥିବା ମହିଳା ଚାଲାଣ ରାକେଟ୍&zwnj;କୁ ରୋକିବାରେ କାହିଁକି ନିଆଯାଇପାରୁନି ଠୋସ୍ ପଦକ୍ଷେପ? କେଉଁଠି ରହୁଛି ଭୁଲ୍ ? ରୋଜଗାରର ମୋହ ନା ଦଲାଲର ଷଡ଼ଯନ୍ତ୍ର? ଏସବୁ ଉପରେ ସରକାରୀ ଏବଂ ପ୍ରଶାସନିକ ଫୋକସ୍ ରହିବା ଜରୁରୀ।</p>

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos