ନୂଆଦିଲ୍ଲୀ: ବିଶ୍ୱରେ ପ୍ରତିଦିନ ବିଭିନ୍ନ ଡିଜାଇନ୍ରେ ଅନେକ ଛୋଟବଡ଼ କାର ନିର୍ମାଣ ହେଉଛି। କମ୍ପାନୀଗୁଡ଼ିକ ମଧ୍ୟ କାରକୁ ଆକର୍ଷଣୀୟ କରି ତିଆରି କରିବାକୁ ନାନା ଯୋଜନା କରୁଛନ୍ତି। ଆମେରିକା ଓ ବ୍ରିଟେନ୍ ଓ ଜର୍ମାନୀ ଭଳି ରାଷ୍ଟ୍ରଗୁଡ଼ିକରେ ବହୁତ ବଡ଼ ବଡ଼ ବିଳାସମୟ କାର ତିଆରି ହେଉଛି। କିନ୍ତୁ ବିଶ୍ୱର ସବୁଠାରୁ ଛୋଟ କାର ଆପଣ ଦେଖିଛନ୍ତି କି? ଆଜି ଆସନ୍ତୁ ଜାଣିବା ବିଶ୍ୱର ମିନି କାର ବିଷୟରେ।
୧୯୬୨ ମସିହାରେ ୧୯୬୫ ମଧ୍ୟରେ ପିଲ୍ କମ୍ପାନୀ ବିଶ୍ୱର ସବୁଠାରୁ ଛୋଟ କାର peel50 ତିଆରି କରିଥିଲା। ୨୦୧୦ରେ ଏହି କାର ବିଶ୍ୱର ସବୁଠାରୁ ମିନି କାର ଭାବରେ ଗିନିଜ୍ ବୁକ୍ ଅଫ୍ ୱାର୍ଲଡ ରେକର୍ଡରେ ସ୍ଥାନ ପାଇଥିଲା।
ଏହି ମାଇକ୍ରୋ କାରରେ ରିଭର୍ସ ଗିୟର ଦିଆଯାଇ ନଥିଲା। କିନ୍ତୁ ଆବଶ୍ୟକ ବେଳେ ବ୍ୟବହାର ପାଇଁ ଏହାର ପଛରେ ଏକ ହ୍ୟାଣ୍ଡେଲ୍ ଦିଆଯାଇଥିଲା।
ସହର ଭିତରେ ଛୋଟ ଛୋଟ ଗଳିରେ କାରଟି ସହଜରେ ଚାଲିପାରିବା ଭଳି ଏହାର ଡିଜାଇନ୍ କରାଯାଇଥିଲା। ଏଥିରେ ମାତ୍ର ଜଣେ ବ୍ୟକ୍ତି ବସିବା ପାଇଁ ସିଟ୍ ଦିଆଯାଇଥିଲା।
ଏଥିରେ କେବଳ ବାମପଟେ ଖୋଲୁଥିବା ଡୋର ଦିଆ ଯାଇଥିଲା। କମ୍ପାନୀ ଏହି ମାଇକ୍ରୋ କାରକୁ କେବଳ ୨୫ ୟୁନିଟ୍ସ ତିଆରି କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
