ମୁମ୍ବାଇ: ରିଲିଜ୍ ହୋଇଛି ଓଡ଼ିଆ ନିର୍ଦ୍ଦେଶକ ନୀଳମାଧବ ପଣ୍ଡାଙ୍କ ହିନ୍ଦି ଫିଲ୍ମ ’କୌନ୍ କିତନେ ପାନି ମେଁ’ର ଟ୍ରେଲର। ଓଡ଼ିଶା ପୃଷ୍ଠଭୂମିରେ ନିର୍ମିତ ଏଇ ଫିଲ୍ମରେ ଅଛନ୍ତି ବଲିଉଡର ଜଣାଶୁଣା କଳାକାର। ଏଥିରେ ରଙ୍ଗବତୀର ହିନ୍ଦି ଭର୍ସନ ବି ଶୁଣିବାକୁ ମିଳିବ। ଆଜି ମୁମ୍ୱାଇରେ ଟ୍ରେଲର ରିଲିଜ୍ ବେଳେ ପୁରା ଟିମ୍ ଥିଲା ସମ୍ୱଲପୁରୀ ଗେଟ୍ଅପରେ।
[embed]https://www.youtube.com/watch?v=MR6_F6BsQwc[/embed]
ଟ୍ରେଲରରେ ରେ ପାଣିକୁ ନେଇ ଦୁଇ ଗାଁ ମଧ୍ୟରେ ଗଣ୍ଡଗୋଳ ଓ ପାଣି ପାଇବା ଲାଗି ଗାଁ ମୁଖିଆ କି କି ଉପାୟ ଗ୍ରହଣ କରୁଛନ୍ତି ତାହା ଦେଖିବାକୁ ମିଳିବ ଓଡ଼ିଆ ଡାଇକେଟର୍ ନୀଳମାଧବ ପଣ୍ଡାଙ୍କ ଅପ୍ କମିଂ ଫିଲ୍ମ ’କୌନ୍ କିତନେ ପାନି ମେଁ’ ରେ। ଭାରତର ଗାଁରେ ମାନଙ୍କରେ ଜଳ ସଙ୍କଟ କିଭଳି ରହିଛି ତାହା ଫିଲ୍ମରେ ଦେଖାଇବାକୁ ଚେଷ୍ଟା କରିଛନ୍ତି ନିର୍ଦ୍ଦେଶକ ନୀଳମାଧବ। ସମ୍ୱଲପୁରୀ ଗୀତ ରଙ୍ଗବତୀର ହିନ୍ଦି ଭର୍ସନ ବି ରହିଛି ଏଇ ମୁଭିରେ। ଓଡିଶା ପୃଷ୍ଠଭୂମିରେ ନିର୍ମିତ ଏହି ଫିଲ୍ମର ଟ୍ରେଲର୍ ଆଜି ମୁମ୍ୱାଇରେ ରିଲିଜ୍ ହୋଇଛି। ଫିଲ୍ମରେ ଲିଡ୍ ରୋଲରେ ଅଛନ୍ତି କୁନାଲ କପୁର୍ ଓ ରାଧିକା ଆପତେ। ଗୁଲଶନ୍ ଗ୍ରୋଭର ଓ ସୌରଭ ଶୁକ୍ଲାଙ୍କ ଭଳି ଭେଟେରାନ୍ କଳାକାର ଅଭିନୟ କରିଛନ୍ତି।
ସୂଚନାଯୋଗ୍ୟ,ସୋନପୁରରେ ଜନ୍ମିତ ନୀଳମାଧବ ପଣ୍ଡାଙ୍କ ଫିଲ୍ମ ’ଆଇ ଏମ୍ କାଲାମ୍’ ଜାତୀୟ ଓ ଅନ୍ତର୍ଜାତୀୟ ସ୍ତରରେ ବେଶ ପ୍ରସିଦ୍ଧି ଲାଭ କରିଥିଲା। ଏହି ଚଳଚ୍ଚିତ୍ରକୁ ନେଇ ସେ ବେଶ ଆଶାବାଦୀ ଥିବା ଟ୍ରେଲର ରିଲିଜ୍ ବେଳେ ଦେଖିବାକୁ ମିଳିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
