ମୁମ୍ବାଇ: ୨୦୧୮ ଡିସେମ୍ବର ମାସରେ ରିଲିଜ୍ ହୋଇଥିଲା ଶାହାରୁଖ ଖାନଙ୍କ ଫିଲ୍ମ ‘ଜିରୋ’। ଏହି ଫିଲ୍ମ ପରେ ତାଙ୍କୁ ଆଉ ବଡ଼ ପରଦାରେ ଦେଖିବାକୁ ପାଇ ନାହାନ୍ତି ଦର୍ଶକ। ଏପର୍ଯ୍ୟନ୍ତ ଶାହାରୁଖଙ୍କ କୌଣସି ନୂଆ ଫିଲ୍ମର ନାଁ ବି ଘୋଷଣା ହୋଇନାହିଁ। ତେବେ କୁହାଯାଉଛି, ଖୁବ୍ଶୀଘ୍ର ତାଙ୍କ ପରବର୍ତ୍ତୀ ଫିଲ୍ମର ନାଁ ଘୋଷଣା ହୋଇପାରେ। ଆଉ ଏହାର ନାଁ ‘ପଠାନ୍’ ରଖାଯାଇଛି। ଏଥିରେ ଜନ୍ ଅବ୍ରାହମ ଓ ଦୀପିକା ପାଦୁକୋନ ବି ଅଭିନୟ କରିବେ ବୋଲି ଜଣାପଡ଼ିଛି।
ଅନ୍ୟ ଏକ ସୂଚନା ଅନୁଯାୟୀ, ଏଥିରେ ସଲମାନ ଖାନଙ୍କୁ ବି ଦେଖିବାକୁ ମିଳିବ। ତେବେ ତାଙ୍କୁ ଏଥିରେ ଅତିଥି କଳାକାର ଭୂମିକାରେ ଦେଖିବାକୁ ମିଳିବ। ଶାହାରୁଖଙ୍କ ଫିଲ୍ମ ‘ଜିରୋ’ରେ ମଧ୍ୟ ସଲ୍ମାନ୍ ଅତିଥି କଳାକାର ଭାବେ ଅଭିନୟ କରିଥିଲେ।
ଏହା ପୂର୍ବରୁ ଶାହାରୁଖଙ୍କ ଫିଲ୍ମ ‘କୁଛ୍ କୁଛ୍ ହୋତା ହୈ’ ଓ ‘ଓମ୍ ଶାନ୍ତି ଓମ୍’ରେ ସଲାମାନ୍ ଅତିଥି କଳାକାର ଭାବେ ଅଭିନୟ କରିଥିଲେ। ସେହିପରି ସଲ୍ମାନ୍ଙ୍କ ଫିଲ୍ମ ‘ହର୍ ଦିଲ୍ ଜୋ ପ୍ୟାର କରେଗା’ ଓ ‘ଟ୍ୟୁବଲାଇଟ୍’ରେ ଶାହାରୁଖଙ୍କୁ ଦେଖିବାକୁ ମିଳିଥିଲା।
ଶାହାରୁଖଙ୍କ ନୂଆ ଫିଲ୍ମ ‘ପଠାନ୍’ର ଶୁଟି ନଭେମ୍ବର ମାସ ଶେଷ ଆଡ଼କୁ ବା ତା’ପରେ ଆରମ୍ଭ ହେବ ବୋଲି ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
