ଗୁଜବକୁ ଗୁରୁତ୍ୱ ଦିଅନ୍ତିନି ଆତିଥ୍ୟା

ମୁମ୍ୱାଇ: ସୁନୀଲ ସେଟ୍ଟୀଙ୍କ ଝିଅ ଆତିଥ୍ୟା ଏଇ ମାତ୍ର ବର୍ଷେ ହେଲା ବଲିଉଡ୍‌ରେ ପାଦ ଥାପିଛନ୍ତି। କିନ୍ତୁ ଅନ୍ୟ ଷ୍ଟାରଙ୍କ ଭଳି ସେ ବି ଗୁଜବରୁ ବର୍ତ୍ତି ନାହାନ୍ତି। ତାଙ୍କୁ ନେଇ ଅନେକ ଗୁଜବ ଶୁଣିବାକୁ ମିଳୁଛି। ତେବେ ନୂଆ ନୂଆ କି ବଲିଉଡ୍‌ରେ ପାଦ ଥାପିଥିବା ଆତିଥ୍ୟା ଏସବୁ ଖାତିର କରୁ ନାହାନ୍ତି। ସେ କହିଛନ୍ତି ତାଙ୍କ ସଂପର୍କରେ ହେଉଥିବା ଆଲୋଚନା ଗୁଡ଼ିକୁ ସେ ଗୁରୁତ୍ୱ ଦିଅନ୍ତି ନାହଁ।

ଆତିଥ୍ୟା କହିଛନ୍ତି, ମୁଁ, ମୋ ପରିବାର ଓ ଆମର ଘନିଷ୍ଠ ଲୋକମାନେ ସତ କ’ଣ ଜାଣନ୍ତି। ତେଣୁ ମୁଁ ଉଡ଼ା କଥାକୁ ନେଇ ବ୍ୟସ୍ତ ହୁଏ ନାହିଁ। ମୋ ବାପା ଦୀର୍ଘ ବର୍ଷ ହେଲା ବଲିଉଡ୍‌ରେ  କାମ କରୁଛନ୍ତି। ସେଲିବ୍ରିଟିଙ୍କ କ୍ଷେତ୍ରରେ ଏଭଳି ଗସିପ୍ ଶୁଣିବାକୁ ମିଳେ ବୋଲି ସେ ଭଲ ଭାବେ ଜାଣିଛନ୍ତି। ତେଣୁ ଏଭଳି କିଛି ବିଷୟକୁ ନେଇ ଘରେ ଆଲୋଚନା ହୁଏ ନାହିଁ।

ଶୁଣିବାକୁ ମିଳୁଛି ‘ହୀରୋ’ର ଏହି ୨୩ ବର୍ଷୀୟ ନାୟିକା ‘କି ଆଣ୍ଡ୍ କା’ର ଆକ୍ଟର ଅଜୁର୍ନ କପୁରଙ୍କ ସହିତ ଡେଟିଂ କରୁଛନ୍ତି। କିଛି ଦିନ ତଳେ ଦୁହିଁଙ୍କୁ ମୁମ୍ୱାଇର ଏକ ପାର୍ଟିରେ ଦେଖିବାକୁ ମିଳିଥିଲା।