ମୁମ୍ୱାଇ: ବଲିଉଡ୍ରେ ଏପରି କିଛି ଅଭିନେତା ଅଛନ୍ତି ଯେଉଁମାନେ ସବୁ ପ୍ରକାର ଚରିତ୍ରକୁ ଅତି ନିଖୁଣ ଭାବେ କରିପାରନ୍ତି। ସେମାନଙ୍କ ମଧ୍ୟରୁ ଜଣେ ହେଲେ ଅନୁପମ୍ ଖେର୍। ଖଳନାୟକ ହେଉ ଅବା ପିତା, ପୋଲିସ୍ ଇନସପେକ୍ଟର କିମ୍ୱା ହାସ୍ୟ ଅଭିନେତା- ସବୁ ଚରିତ୍ରରେ ନିଜର ଛାପ ଛାଡିଛନ୍ତି ସେ। ଆଜି ତାଙ୍କ ଜନ୍ମ ଦିନ। ୧୯୫୫ ମସିହା ଆଜିର ଦିନରେ ସେ ଜନ୍ମ ଗ୍ରହଣ କରିଥିଲେ। ଆଜିର ଦିନରେ ବହୁ ଅଭିନେତା, ଅଭିନେତ୍ରୀ ତାଙ୍କୁ ଶୁଭେଚ୍ଛା ଜଣାଇଛନ୍ତି।
୧୯୮୨ରେ ଫିଲ୍ମ ‘ଆଗମନ୍’ ଜରିଆରେ ବଲିଉଡକୁ ଏଣ୍ଟ୍ରି କରିଥିଲେ ଅନୁପମ୍। ୮ ଥର ଫିଲ୍ମ ଫେୟାର ଆୱାର୍ଡ ପାଇବାର ରେକର୍ଡ ତାଙ୍କ ନାଁରେ ରହିଛି। ଅନୁପମ୍ ନ୍ୟାସନାଲ୍ ସ୍କୁଲ୍ ଅଫ୍ ଡ୍ରାମାର ଚେୟାରମ୍ୟାନ୍ ମଧ୍ୟ ଥିଲେ। ‘ମୈନେ ଗାନ୍ଧି କୋ ନୈହଁ ମାରା’ ଫିଲ୍ମ ପାଇଁ ତାଙ୍କୁ ରାଷ୍ଟ୍ରୀୟ ପରସ୍କାର ପ୍ରଦାନ କରାଯାଇଛି। ସେହିପରି ଚଳଚ୍ଚିତ୍ର ଜଗତରେ ତାଙ୍କ ଅତୁଳନୀୟ ଅବଦାନ ପାଇଁ ୨୦୦୪ରେ ପଦ୍ମଶ୍ରୀ ଓ ଚଳିତବର୍ଷ ତାଙ୍କୁ ପଦ୍ମ ଭୂଷଣ ସମ୍ମାନରେ ଭାରତ ସରକାର ସମ୍ମାନିତ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
