ସ୍କ୍ରିଂନକୁ ଆସିବା ଆଗରୁ ସୋସିଆଲ୍‌ ମିଡିଆରେ ରାଜ୍‌: ଭାଇରାଲ୍‌ ହେଉଛି ଆଇଟମ୍‌ ନମ୍ବର ଚୁନି ତଳେ ବ୍ଲାକ ମନି…

ଭୁବନେଶ୍ୱର: ଦୁଇକେ ଦୁଇ ଦୁଗୁଣେ ଚାରି … ନୋଟ ଭଙ୍ଗେଇ ଦିଅ ଓଜନ ହେଲା ଭାରି … ଯେତେ ଲୁଚେଇଲେ ଜମା ଲୁଚୁ ନାହିଁ… ଘରେ ପୋଲିସି ପଶିଲାଣି.. ତୁ  ମୋ ଚୁନି ତଳେ…ଚୁନି ତଳେ ବ୍ଲାକ ମନି…।

ତରଙ୍ଗ ସିନେ ପ୍ରଡକ୍ସନ ନିବେଦିତ ‘ସିଷ୍ଟର ଶ୍ରୀଦେବୀ’ ସିନେମାର  ଏହି ଗୀତଟି ଏବେ ୟୁ-ଟ୍ୟୁବ୍‌ରେ ରାଜ୍‌ କରୁଛି। ପରଦାକୁ ସିନେମା ଆସିବା ଆଗରୁ ସୋସିଆଲ ମିଡିଆରେ ଧୁମ୍‌ ମଚାଉଛି ଏହି ଗୀତ।  ଏହାକୁ  ଶୁଣିବା ପାଇଁ ଦର୍ଶକ ପାଗଳ। ହଟ୍‌କେ ଅନ୍ଦାଜରେ  ତିଆରି ହୋଇଥିବା ଏହି ଆଇଟମ ନମ୍ବରଟି ସଭିଙ୍କୁ କରିଛି ମତୁଆଲା।  ୟୁ-ଟ୍ୟୁବ୍‌ର ଅପଲୋଡ଼ ହେବାର ମାତ୍ର ୧୨ ଦିନ ଭିତରେ ଲକ୍ଷାଧିକ ଦର୍ଶକ ଦେଖି ସାରିଲେଣି। ଗୀତଟିକୁ ଅଲିଉଡର ପ୍ରସିଦ୍ଧ ଗାୟିକା ସଞ୍ଜୁ ମହାନ୍ତି ଗାଇଛନ୍ତି।  ନିର୍ମଳ ନାୟକଙ୍କ ଏହି ଗୀତଟିକୁ କମ୍ପୋଜ କରିଛନ୍ତି ଜଣାଶୁଣା ସଙ୍ଗୀତ ନିର୍ଦ୍ଦେଶକ ଅଭିଜିତ ମଜୁମଦାର ।

ତରଙ୍ଗସିନେ ପ୍ରଡକ୍ସନର ଏହି ଗୀତଟି (ଅଡିଓ ମେକିଂ) ଗତ ମେ’ ୧୩ ତାରିଖରେ ୟୁଟ୍ୟୁବ୍‌ରେ ଅପଲୋଡ଼ ହୋଇଥିଲା। ତେବେ ଅପଲୋଡ ହେବାର ୧୨ ଦିନ ଭିତରେ(ମେ ୨୫ ସୁଦ୍ଧା)  ୧ ଲକ୍ଷ ୧୧ ହଜାର ୧୯୯ଜଣ ଦର୍ଶକ ଦେଖି ସାରିଲେଣି।

ଖାଲି ସେତିକି ନୁହେଁ ‘ସିଷ୍ଟର ଶ୍ରୀଦେବୀ’ ସହ ଆଉ ଗୋଟିଏ ଓଡ଼ିଆ ଚଳଚ୍ଚିତ୍ର ‘ଅଭୟ’କୁ ସାଙ୍ଗରେ ନେଇ ଆସୁଛି ତରଙ୍ଗ ସିନେ ପ୍ରଡକ୍ସନ। ଅର୍ଥାତ ପ୍ରଥମ ଥର ପାଇଁ  ଓଡ଼ିଆ ସିନେମା ଜଗତରେ ଗୋଟିଏ ବ୍ୟାନରରେ ଆସୁଛି ଦୁଇ ଦୁଇଟି ଫିଲ୍ମ।  ରଜ ବଜାରରେ ରିଲିଜ୍‌ ହେବାକୁ ଥିବା ଏହି ଦୁଇଟି ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ନାହିଁ ନ ଥିବା ଉତ୍କଣ୍ଠା । ଉଭୟ ଫିଲ୍ମରେ ସବୁ ଗୀତ ଗୁଡ଼ିକ  ଜବରଦସ୍ତ ହିଟ୍‌ ହୋଇଛି । ସିଷ୍ଟର ଶ୍ରୀଦେବୀରେ ଲିଡ୍‌ ରୋଲରେ ବାବୁସାନ ଥିବା ବେଳେ ଅଭୟରେ ଅନୁଭବ ମହାନ୍ତି ଅଛନ୍ତି।