ଘରେ ପ୍ରସ୍ତୁତ କରନ୍ତୁ ଆମ୍ବ ମୁରବା

ଆବଶ୍ୟକ ସାମଗ୍ରୀ: କଞ୍ଚା ଆମ୍ବ, ଚିନି, ସାଇଟ୍ରିକ୍ ଏସିଡ ଓ ଲୁଣ

ପ୍ରସ୍ତୁତି ପ୍ରଣାଳୀ: ମୁରବା ତିଆରି କରିବା ପାଇଁ କଞ୍ଚା ଆମ୍ବ ବାଛନ୍ତୁ। ପ୍ରଥମେ ଏହାକୁ ଧୋଇ ଚୋପା ଛଡ଼ାଇ, ଟାକୁଆ ବାହାର କରି ବଡ଼ ବଡ଼ ଖଣ୍ଡ କରି କାଟି ରଖନ୍ତୁ। ଆମ୍ବ ଖଣ୍ଡଗୁଡ଼ିକୁ ଲୁଣ ପାଣିରେ ଅଧ ଘଣ୍ଟାଯାଏଁ ପକାଇ ରଖନ୍ତୁ। ଏହାପରେ ଏକ ସଫା କପଡ଼ାରେ ଏହି ଆମ୍ବ ଖଣ୍ଡଗୁଡ଼ିକୁ ବାନ୍ଧି ଦଶ ମିନିଟ ରଖନ୍ତୁ।

ଏବେ ଚିନିରେ ପାଣି ଦେଇ ଭଲ ଭାବେ ଫୁଟାଇ ଶିରା ପ୍ରସ୍ତୁତ କରନ୍ତୁ । ସେଥିରେ ଅଳ୍ପ ସାଇଟ୍ରିକ୍‌ ଏସିଡ୍‌ ପକାଇ ଗରମ କରିବା ପରେ ଛାଣି ଦିଅନ୍ତୁ।

ଏହି ମିଶ୍ରଣକୁ ଏକ ପ୍ୟାନ୍‌ରେ ଢାଳି ଗ୍ୟାସ୍‌ର ଆଞ୍ଚ ସ୍ଲୋ ରଖନ୍ତୁ। ସେଥିରେ ଆମ୍ବ ଖଣ୍ଡଗୁଡ଼ିକ ପକାଇ ଗୋଳାନ୍ତୁ। ଏହି ମିଶ୍ରଣକୁ ବହଳିଆ ହେବା ପର୍ଯ୍ୟନ୍ତ ଘାଣ୍ଟନ୍ତୁ। ବର୍ତ୍ତମାନ ଗ୍ୟାସ ବନ୍ଦ କରି ଦିଅନ୍ତୁ। ପ୍ରସ୍ତୁତ ହୋଇଗଲା ‘ଆମ୍ବ ମୁରବା’। ଏହାକୁ ଥଣ୍ଡା କରି କାଚ ଜାରରେ ଭଲ ଭାବେ ବନ୍ଦ କରି ରଖନ୍ତୁ। ମଝିରେ  ମଝିରେ ଖରା ଦେଇ ଦିଅନ୍ତୁ। ବହୁ ଦିନ ପର୍ଯ୍ୟନ୍ତ ଏହା ସେପରି ରହିବ।