କାବୁଲ: ଆଫଗାନିସ୍ଥାନ ବରଦକ ଅଞ୍ଚଳରେ ଏକ ଅଦାଲତ ପରିସରରେ ଆଜି ହୋଇଥିବା ଆତଙ୍କୀ ହମଲାରେ ୨ଜଣ ସୁରକ୍ଷାକର୍ମୀଙ୍କ ମୃତ୍ୟୁ ଘଟିଛି। ଅନ୍ୟପକ୍ଷରେ ସୁରକ୍ଷା କର୍ମଙ୍କ ପାଲଟା ଆକ୍ରମଣରେ ୪ ଜଣ ଆତଙ୍କବାଦୀ ନିହତ ହୋଇଛନ୍ତି।
ସୂଚନା ଅନୁଯାୟୀ ମୈଦାନ ଶାର ସହର ସ୍ଥିତ ଅଦାଲତକୁ ୪ଜଣ ଆତଙ୍କବାଦୀ ପ୍ରବେଶ କରିବା ପାଇଁ ଚେଷ୍ଟା କରୁଥିବା ବେଳେ ସୁରକ୍ଷାକର୍ମୀ ମାନେ ସେମାନଙ୍କୁ ରୋକିବାକୁ ଚେଷ୍ଟା କରିଥିଲେ। ଏହା ପରେ ଉଭୟ ପକ୍ଷ ମଧ୍ୟରେ ଗୁଳି ବିନିମୟ ହୋଇଥିଲା।
ଜଣେ ପ୍ରତ୍ୟକ୍ଷଦର୍ଶୀଙ୍କ କହିବାନୁଯାୟୀ ଜଣେ ଆତଙ୍କବାଦୀ ଅଦାଲତର ମୁଖ୍ୟ ଦ୍ୱାର ସମ୍ମୁଖରେ ଗୋଳାବାରୁଦରେ ଭର୍ତ୍ତି ହୋଇଥିବା ଜ୍ୟାକେଟରେ ବିସ୍ଫୋରଣ କରିଥିଲା। ଏହି ବିସ୍ଫୋରଣ ପରେ ଆଉ ୩ ଆତଙ୍କବାଦୀ ଅନ୍ୟ ଏକ ଦ୍ୱାରକୁ ପହଞ୍ଚିବା ପାଇଁ ଚେଷ୍ଟା କରିଥିଲେ। ଏତିକି ବେଳେ ସୁରକ୍ଷାକର୍ମୀଙ୍କ ଗୁଳିମାଡରେ ୨ ଜଣ ଆତଙ୍କୀଙ୍କ ମୃତ୍ୟୁ ହୋଇଥିଲା। ପରେ ଅନ୍ୟ ଜଣେ ଆତଙ୍କୀକୁ ସୁରକ୍ଷାକର୍ମୀ ମାରି ଦେଇଥିଲେ।
ଆତଙ୍କବାଦୀମାନେ ସେନା ପୋଷାକ ପିନ୍ଧି ଆସିଥିବା କୁହାଯାଉଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
