ନୂଆଦିଲ୍ଲୀ: ଉତ୍ତରପ୍ରଦେଶ ସରକାର ମେଗି ନୁଡୁଲସ୍ ପ୍ରସ୍ତୁତି କରୁଥିବା ନେସଲେ କମ୍ପାନୀ ବିରୋଧରେ ମକଦ୍ଦମା କରିବାକୁ ଅନୁମତି ଦେଇଛନ୍ତି। ଏନେଇ ଉତ୍ତରପ୍ରଦେଶର ବାରାକଙ୍କୀ ଜିଲ୍ଲା ଅତିରିକ୍ତ ମୁଖ୍ୟ ନ୍ୟାୟିକ ମାଜିଷ୍ଟେଟଙ୍କ ଅଦାଲତରେ କମ୍ପାନୀ ବିରୋଧରେ ମାମଲା ଦାୟର କରାଯିବ। କମ୍ପାନୀ ଉପରେ ଫୁଟ୍ ଏଣ୍ଡ ସେଫଟି ଆକ୍ଟ ୨୦୦୬ ଅନୁଯାୟୀ ମକଦ୍ଦମା ଜାରି କରାଯାଇପାରେ । ଏହି ଆକ୍ଟ ଅନୁସାରେ ଏକ ଲକ୍ଷ ଟଙ୍କାର ଜୋରିମାନା ଓ ଜେଲ୍ ଦଣ୍ଡ ହୋଇପାରେ ।
ଗତ ମାସରେ ୟୁପିର ଖାଦ୍ୟ ଓ ମେଡିସିନ୍ ବିଭାଗ ନେସଲେ କମ୍ପାନୀକୁ ଫେବୃଆରୀ ୨୦୧୪ରେ ତିଆରି ହୋଇଥିବା ମେଗି ନୁଡୁଲକୁ ବଜାରରୁ ଫେରାଇ ଆଣିବା ପାଇଁ ନିର୍ଦ୍ଦେଶ ଦେଇଥିଲା । ଯାଞ୍ଚ ଦ୍ୱାରା ଜଣାପଡିଥିଲା ଯେ, ସ୍ୱାଦ ବଢାଇବା ପାଇଁ ମିଶାଯାଇଥିବା ରାସାୟନିକ ପଦାର୍ଥ ନିର୍ଦ୍ଦାରିତ ସୀମା ଠାରୁ ଅଧିକ । କେନ୍ଦ୍ର ସରକାର ଏହି ଘଟଣାର ଗମ୍ଭୀରତାକୁ ଦୃଷ୍ଟିରେ ରହି ଭାରତୀୟ ଖାଦ୍ୟ ସୁରକ୍ଷା ଦ୍ୱାରା ଯାଞ୍ଚ କରାଯିବ ବୋଲି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
