୧୦୦ ଟଙ୍କା ଲାଞ୍ଚ ଦେଲାନି ନାବାଳକ, ଅଣ୍ଡା ବୋଝେଇ ଠେଲା ଗାଡ଼ି‌ ଓଲଟାଇ ଦେଲେ ଅଧିକାରୀ

ଇନ୍ଦୋର: ମହାମାରୀ କରୋନା ଭାଇରସ ଯୋଗୁ ସବୁଠାରୁ ଅଧିକ ପ୍ରଭାବିତ ହୋଇଛନ୍ତି ଗରିବ ଲୋକ। ଏହି କାରଣରୁ ଉପାୟ ନ ପାଇ କିଛି ଲୋକ ନିଜ ପରିବାର ଚଳାଇବା ପାଇଁ ଫଳ, ପନି ପରିବା ଓ ଅନ୍ୟାନ୍ୟ ସାମଗ୍ରୀ ଠେଲା ଗାଡ଼ିରେ ବିକ୍ରି କରିବାକୁ ବାଧ୍ୟ ହେଉଛନ୍ତି।

ଗୋଟିଏ ପଟେ ଗରିବ ଶ୍ରେଣୀର ଲୋକମାନେ ସେମାନଙ୍କ ଆବଶ୍ୟକ ପୂରଣ ପାଇଁ ସଂଘର୍ଷ କରୁଥିବା ବେଳେ ଅନ୍ୟପଟେ କିଛି ଅସାଧୁ ପ୍ରଶାସିନକ ଅଧିକାରୀ ଓ ପୁଲିସ୍‌ ବାବୁ ସେମାନଙ୍କୁ ନିର୍ଯାତନା ଦେଇ ଚାଲିଛନ୍ତି।

ଏହିକ୍ରମରେ ସରକାରୀ ଅଧିକାରୀଙ୍କ ନିଷ୍ଠୁରତା ସାମ୍ନାକୁ ଆସିଛି। ମଧ୍ୟପ୍ରଦେଶର ରାଜଧାନୀ ଇନ୍ଦୋରରେ ଜଣେ ୧୪ ବର୍ଷୀୟ ପିଲା ସିଭିକ ବଡି ଅଧିକାରୀଙ୍କୁ ୧୦୦ ଟଙ୍କା ଲାଞ୍ଚ ନ ଦେବାରୁ ତା’ର ଅଣ୍ଡା ବୋଝେଇ ଠେଲା ଗାଡ଼ିଟିକୁ ବାବୁମାନେ ରାସ୍ତାରେ ଓଲଟାଇ ଦେଇଛନ୍ତି। ଫଳରେ ରାସ୍ତାରେ ପଡ଼ି ନାବାଳକଟି ବିକ୍ରି କରୁଥିବା ସମସ୍ତ ଅଣ୍ଡା ନଷ୍ଟ ହୋଇଯାଇଛି।

ନାବାଳକ ଜଣଙ୍କ ରାସ୍ତା କଡ଼ରେ ଅଣ୍ଡା ବିକ୍ରି କରୁଥିଲେ। ଏହି ସମୟରେ ପୌର ଅଧିକାରୀମାନେ ସେଠାରେ ପହଞ୍ଚି ଏହାକୁ ହଟାଇବାକୁ କହିଥିଲେ। ଯଦି ସେ ରାସ୍ତାରେ ଅଣ୍ଡା ବିକ୍ରି କରିବ, ତା’ହେଲେ ତା’କୁ ୧୦୦ ଟଙ୍କା ଲାଞ୍ଚ ଦେବାକୁ ପଡ଼ିବ ବୋଲି ମଧ୍ୟ  କହିଥିଲେ। ହେଲେ ନାବାଳକ ଜଣଙ୍କ ଟଙ୍କା ନ ଦେବାରୁ ସେମାନେ ଠେଲା ଗାଡ଼ିଟିକୁ ରାସ୍ତାରେ ହିଁ ଓଲଟାଇ ଦେଇଥିଲେ।

ଏହି ଘଟଣାରେ ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ରାସ୍ତାରେ ଅଣ୍ଡା ବୋଝେଇ ଠେଲା ଗାଡ଼ିଟି ପଡ଼ିଥିବା ଦେଖିବାକୁ ମିଳିଛି। ସେହିପରି ଧଳା ଶାର୍ଟ ପିନ୍ଧିଥିବା ନାବାଳକ ଜଣଙ୍କ ଦୁଇ ଜଣ ପୌର ଅଧିକାରୀଙ୍କୁ ଟାର୍ଗେଟ କରି ନିଜ କ୍ରୋଧ ପ୍ରକାଶ କରୁଥିବାର ଦୃଶ୍ୟ ରହିଛି।

ଆହୁରି ପଢ଼ନ୍ତୁ

ଦିଲ୍ଲୀ ଉପମୁଖ୍ୟମନ୍ତ୍ରୀ କରୋନା ସହିତ ଡେଙ୍ଗୁରେ ଆକ୍ରାନ୍ତ

ଶୁକ୍ରବାର ଏନସିବି ଆଗରେ ହାଜର ହେବେନି ଦୀପିକା

କୃଷି ବିଲକୁ ଜୋରଦାର ବିରୋଧ, ପଞ୍ଜାବରେ ରେଳ ରୋକ୍

କଙ୍ଗନାଙ୍କ ଯାଚିକା ନେଇ ସଞ୍ଜୟଙ୍କୁ ଜବାବ ମାଗିଲେ ହାଇକୋର୍ଟ

ବିଭିନ୍ନ ଠିକଣାରେ ରେଡ୍, ୭୦ କୋଟି ଟଙ୍କାର ବେଆଇନ୍ ସମ୍ପତ୍ତି ଠାବ

ପୂର୍ବତନ କ୍ରିକେଟର ଡିନ୍ ଜୋନ୍ସଙ୍କ ପରଲୋକ

ବିବାହକୁ ମାସେ ନ ପୁରୁଣୁ ପୁନମ ପାଣ୍ଡେଙ୍କ ବଡ଼ ନିଷ୍ପତ୍ତି

ଆଶ୍ଚର୍ଯ୍ୟଜନକ ଭାବେ ଟ୍ରେନ୍‌ ଟ୍ରାକ୍‌ରୁ ବର୍ତ୍ତିଗଲା ଦୁଇ ବର୍ଷ ବୟସ୍କ ବାଳକ!

ଲକଡାଉନ୍ ବେଳେ ନଦୀ ପାଣିର ମାନ ସେତେଟା ବୃଦ୍ଧି ପାଇନି

କରୋନା ପାଇଁ ଭାରତରେ ପ୍ରାୟ ୨ କୋଟି ଚାକିରି ହରାଇଲେଣି

ଅକ୍ଟୋବର ୨୨ ଯାଏ ବିଚାର ବିଭାଗୀୟ ହେପାଜତକୁ ଗଲେ ଉମର ଖାଲିଦ

ସମନ ପାଇବା ପରେ ଗୋଆ ଛାଡ଼ିଲେ ସାରା