କାବୁଲ: ମହାମାରୀ କରୋନା ଏବେ ଆଫଗାନିସ୍ତାନର ରାଷ୍ଟ୍ରପତି ପ୍ୟାଲେସରେ ପ୍ରବେଶ କରିଛି। ରାଷ୍ଟ୍ରପତି ଅଶ୍ରଫ ଘାନିଙ୍କ ପାଇଁ ପ୍ୟାଲେସରେ ରହି କାର୍ଯ୍ୟ କରୁଥିବା ୨୦ ଜଣ କର୍ମଚାରୀ କରୋନାରେ ଆକ୍ରାନ୍ତ ହୋଇଛନ୍ତି।
ପ୍ୟାଲେସର ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି। ହେଲେ ସେ ତାଙ୍କ ନାଁ ଗୋପନ ରଖିଛନ୍ତି। ୨୦ ଜଣ କର୍ମଚାରୀ କରୋନାରେ ଆକ୍ରାନ୍ତ ହେବା ପରେ ସମସ୍ତଙ୍କୁ ସ୍ୱତନ୍ତ୍ର ଆଇସୋଲେସନ ୱାର୍ଡରେ ରଖି ଚିକିତ୍ସା ଯୋଗାଇ ଦିଆଯାଉଛି। ହେଲେ ଗଣମାଧ୍ୟମକୁ ଏହି ଖବର ଠାରୁ ଅତ୍ୟନ୍ତ ଦୂରରେ ରଖାଯାଇଛି।
ପ୍ୟାଲେସର ୨୦ ଜଣ କର୍ମଚାରୀ ରାଷ୍ଟ୍ରପତି ଘନିଙ୍କ ସଂସ୍ପର୍ଶରେ ଆସିଛନ୍ତି କି ନାହିଁ ସେକଥା ଜଣାପଡ଼ିନାହିଁ। ସେହିପରି ରାଷ୍ଟ୍ରପତି ଘନିଙ୍କର କରୋନା ପରୀକ୍ଷା କରାଯାଇଛି କି, ତା’ର ଉତ୍ତର ମଧ୍ୟ ପ୍ୟାଲେସ ପକ୍ଷରୁ ଦିଆଯାଇନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
