ନୂଆଦିଲ୍ଲୀ: କଲ୍ୟାଣମୂକଳ ସ୍କିମ୍ ପାଇଁ ଆଧାର ଲିଙ୍କ ଅବଧି ବଢିବ ନାହିଁ । ହିତାଧିକାରୀମାନଙ୍କୁ ଚଳିତମାସ ୩୧ସୁଦ୍ଧା ଆଧାର ଲିଙ୍କ କରିବାକୁ ପଡିବ। ଏନେଇ ଅନ୍ତରୀଣ ରାୟ ପ୍ରକାଶ କରିବାର କୌଣସି ଆବଶ୍ୟକତା ନାହିଁ ବୋଲି ସୁପ୍ରିମକୋର୍ଟ କହିଛନ୍ତି। ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଦୀପକ ମିଶ୍ରଙ୍କୁ ନେଇ ଗଠିତ ୫ଜଣିଆ ଖଣ୍ଡପୀଠ ଏ ସମ୍ପର୍କିତ ମାମଲାର ଶୁଣାଣି ହୋଇଥିଲା। କଲ୍ୟାଣ ମୂଳକ ଯୋଜନାର ଲାଭ ପାଇବା ପାଇଁ ଆଧାର ଲିଙ୍କ୍ କରିବାକୁ ମାର୍ଚ୍ଚ ୩୧ ପର୍ଯ୍ୟନ୍ତ ହିତାଧିକାରୀଙ୍କୁ ମହଲତ ଦିଆଯାଇଛି।
ସେପଟେ କେନ୍ଦ୍ରୀୟ ପ୍ରତ୍ୟକ୍ଷ କର ବୋର୍ଡ ସିବିଡିଟି ପକ୍ଷରୁ ପ୍ୟାନ୍- ଆଧାର ଲିଙ୍କ ସମୟସୀମାକୁ ଜୁନ ୩୦ ପର୍ଯ୍ୟନ୍ତ ବଢାଇ ଦିଆଯାଇଛି। ଟିକସଦାତାଙ୍କ ପାଇଁ ପ୍ୟାନ୍ ସହିତ ଆଧାର ଲିଙ୍କ କରିବାକୁ ବାଧ୍ୟତାମୂଳକ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।