ମିନସ୍କ : ଭାରତ ଓ ବେଲାରୁଷ ମଧ୍ୟରେ ବୁଧବାର ୬ଟି ଚୁକ୍ତି ସ୍ୱାକ୍ଷରିତ ହୋଇଛି । ଦୁଇଦେଶ ମଧ୍ୟରେ ସହଯୋଗ ବୃଦ୍ଧି ପାଇଁ କାର୍ଯ୍ୟ ଯୋଜନା, ଦୈତ୍ୱ ଟିକସ ଓ ବିଭାଗୀୟ ଚୋରି ନିବାରଣ ବୁଝାମଣାରେ ସଂଶୋଧନର ଏକ ପ୍ରୋଟୋକଲ ଉପରେ ଚୁକ୍ତି ସ୍ୱାକ୍ଷର କରାଯାଇଛି। ଭାରତୀୟ ମାନକ ବ୍ୟୁରୋ ଓ ବେଲାରୁଷର ଷ୍ଟେଟ କମିଟି ଫର ଷ୍ଟାଣ୍ଡାର୍ଡାଇଜେସନ ଅନ କୋଅପରେସନ ମଧ୍ୟରେ ମାନକୀକରଣ ତଥା ସୂଚନା ସହଯୋଗ ଏବଂ ପ୍ରସାର ଭାରତୀ ଓ ବେଲଟେଲେ ରେଡିଡ଼ କମ୍ପାନୀ ମଧ୍ୟରେ ପ୍ରସାରଣ ସହଯୋଗ ପାଇଁ ଏକ ସମ୍ମତି ପତ୍ରରେ ଚୁକ୍ତି ସ୍ୱାକ୍ଷର ହୋଇଛି। ରାଷ୍ଟ୍ରପତି ପ୍ରଣବ ମୁଖାର୍ଜୀ ବୁଧବାର ବେଲାରୁଷ ରାଷ୍ଟ୍ରପତି ଆଲେକଜାଣ୍ଡାର ଭି ଲୁକାଶେଙ୍କୋଙ୍କୁ ଭେଟିବା ଅବସରରେ ଏହି ଚୁକ୍ତି ସ୍ୱାକ୍ଷରିତ ହୋଇଥିଲା । ଏହାସହ ଭାରତୀୟ ପ୍ରତିଭୂତି ଓ ବିନିମୟ ବୋର୍ଡ ଏବଂ ବେଲାରୁଷର ଅର୍ଥ ମନ୍ତ୍ରାଳୟ ମଧ୍ୟରେ ସହଯୋଗ ବୃଦ୍ଧି, ଭାରତର ବୟନ ଶିଳ୍ପ ମନ୍ତ୍ରଣାଳୟ ଓ ବେଲାରୁଷର ବେଲେଗପ୍ରୋମ ମଧ୍ୟରେ ଚୁକ୍ତି ସ୍ୱାକ୍ଷରିତ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
