ଆଇପିଏସ୍ ବିନୟ ତିୱାରୀଙ୍କୁ କ୍ୱାରେଣ୍ଟାଇନ୍‌ରୁ ଛାଡ଼ିଲା ବିଏମ୍‌ସି

ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ଘଟଣାର ତଦନ୍ତ କରିବାକୁ ମୁମ୍ବାଇ ଆସିଥିବା ବିହାର କ୍ୟାଡରର ଆଇପିଏସ୍ ଅଫିସର ବିନୟ ତିୱାରୀଙ୍କୁ କ୍ୱାରେଣ୍ଟାଇନ୍‌ରୁ ମୁକ୍ତ କରି ଦିଆଯାଇଛି। ବିହାର ପୁଲିସ୍‌ର ଅନୁରୋଧକ୍ରମେ ବ୍ରିହାନମୁମ୍ବାଇ ମହାନଗର ନିଗର (ବିଏମ୍‌ସି) ତାଙ୍କୁ ୫ ଦିନର କ୍ୱାରେଣ୍ଟାଇନ୍ ପରେ ଛାଡ଼ି ଦେଇଛି। ତେବେ ବିନୟ ତିୱାରୀ ତାଙ୍କ ରିଟର୍ଣ୍ଣ ଟିକେଟ୍ ଦେଖାଇବା ପରେ ଯାଇ ତାଙ୍କୁ କ୍ୱାରେଣ୍ଟାଇନ୍‌ରୁ ଛାଡ଼ିବାକୁ ନିଷ୍ପତ୍ତି ନେଇଥିଲା ବିଏମ୍‌ସି। କିନ୍ତୁ ବିଏମ୍‌ସି ପକ୍ଷରୁ କିଛି ସର୍ତ୍ତ ମଧ୍ୟ ରଖାଯାଇଛି। ସେ ଅଗଷ୍ଟ ୮ ତାରିଖ ଅର୍ଥାତ୍ ଶନିବାର ପରେ ମହାରାଷ୍ଟ୍ର ଛାଡ଼ି ଯାଇ ପାରିବେ। ସେ ବିମାନ ବନ୍ଦର ପର୍ଯ୍ୟନ୍ତ ପ୍ରାଇଭେଟ୍ ଗାଡ଼ିରେ ଯିବେ ଓ ସମସ୍ତ ଏସ୍‌ଓପିକୁ ପାଳନ କରିବେ।

ସୂଚନାଯୋଗ୍ୟ, ସୁଶାନ୍ତଙ୍କ ସିଂହ ରାଜପୁତଙ୍କ ବାପା କେ.କେ ସିଂହ ପାଟନାରେ ରିୟା ଚକ୍ରବର୍ତ୍ତୀ ଓ ଅନ୍ୟ ୫ ଜଣଙ୍କ ନାଁରେ ଏତଲା ଦେବା ପରେ ସେଠାକାର ଏକ ପୁଲିସ୍ ଟିମ୍ ଘଟଣାର ତଦନ୍ତ ପାଇଁ ମୁମ୍ବାଇ ଆସିଥିଲା। ସେମାନଙ୍କୁ ମୁମ୍ବାଇ ପୁଲିସ୍‌ର ସହଯୋଗ ମିଳି ନଥିବା ବେଳେ ଆଇପିଏସ୍ ବିନୟ ତିୱାରୀ ଏହି ଟିମ୍‌ରୁ ନେତୃତ୍ୱ ନେବାକୁ ଆସିଥିବା ବେଳେ ତାଙ୍କୁ ବିଏମ୍‌ସି ପକ୍ଷରୁ ଜୋର ଜବରଦସ୍ତ କ୍ୱାରେଣ୍ଟାଇନ୍‌କୁ ପଠାଇ ଦିଆଯାଇଥିଲା। ସେ ଅଗଷ୍ଟ ୨ରେ ମୁମ୍ବାଇରେ ପହଞ୍ଚିଥିବା ବେଳେ ତାଙ୍କୁ ଅଗଷ୍ଟ ୧୪ ତାରିଖ ପର୍ଯ୍ୟନ୍ତ କ୍ୱାରେଣ୍ଟାଇଡ଼୍‌ରେ ପଠାଇ ଦିଆଯାଇଥିଲା। ବିହାର ପୁଲିସ୍ ପକ୍ଷରୁ ଏହାକୁ ତୀବ୍ର ବିରୋଧ କରାଯିବା ସହିତ ନିନ୍ଦା କରାଯାଇଥିଲା। ଏପରିକି ବିନୟ ତିୱାରୀଙ୍କୁ କ୍ୱାରେଣ୍ଟାଇନ୍ ନୁହେଁ ବରଂ ଗୃହବନ୍ଦୀ କରାଯାଇଥିଲା ବୋଲି ବିହାର ପୁଲିସ୍ ପକ୍ଷରୁ ଅଭଯୋଗ କରାଯାଇଥିଲା। ଏପରିକି ସୁପ୍ରିମ୍‌କୋର୍ଟ ମଧ୍ୟ ବିଏମ୍‌ସିର ଏଭଳି ପଦକ୍ଷେପକୁ ନାପସନ୍ଦ କରିଥିଲେ। ଅନ୍ୟପକ୍ଷରେ ବିହାର ସରକାର ଘଟଣାର ତଦନ୍ତ ସିବିଆଇକୁ ଦେଇ ସାରିଛନ୍ତି। ସିବିଆଇ ମଧ୍ୟ ରିୟା ଓ ଅନ୍ୟମାନଙ୍କ ନାଁରେ ମାମଲା ରୁଜୁ କରି ସାରିଛି।

ଆହୁରି ପଢ଼ନ୍ତୁ

‘ପରୀକ୍ଷା ଟାଳିବା ଅସମ୍ଭବ’, ୩୦ରେ ପରବର୍ତ୍ତୀ ଶୁଣାଣି କରିବେ ସୁପ୍ରିମକୋର୍ଟ

ପ୍ରତି ୧୫ ଦିନରେ କୋଭିଡ ହସ୍ପିଟାଲରେ ହେବ ଅଗ୍ନି ନିରାପତ୍ତା ବ୍ୟବସ୍ଥାର ଯାଞ୍ଚ

କୃଷି ବିଲକୁ ବିରୋଧ, ଇଣ୍ଡିଆ ଗେଟ୍ ଆଗରେ ଟ୍ରାକ୍ଟର ଜଳାଇଲେ ଚାଷୀ

ବିବାଦୀୟ ଅଞ୍ଚଳକୁ ନେଇ ଦୁଇ ଦେଶ ମଧ୍ୟରେ ଯୁଦ୍ଧ, ହଜାର ହଜାର ସୈନ୍ୟ ମୁତୟନ

ଚୀନର କ୍ରୁରତା, ହଜାର ହଜାର ଲୋକଙ୍କୁ ଦିଆଯାଉଛି ଅସୁରକ୍ଷିତ କରୋନା ଟିକା

ଗୁଳି କରି ଜଙ୍ଗଲରେ ପୋତି ଦେଇଥିଲେ, ଦେଢ଼ ମାସ ପରେ ବାହାରିଲା ମୃତଦେହ

ଖୁସି ବ୍ୟକ୍ତ କଲେ ପୁଲିସ ଡିଜି; କହିଲେ-ଆଗଉଛି ସ୍ୱାଭିମାନ ଅଞ୍ଚଳ

ସୁସ୍ଥ ହେଲେ ୩୩୭୮ କରୋନା ଆକ୍ରାନ୍ତ, ଆଗରେ କଟକ

କୃଷି ବିଲ୍‌କୁ ପାସ୍‌ କରିବା ବେଳେ ରାଜ୍ୟସଭାର ନିୟମ ଭାଙ୍ଗିଥିଲେ କି ଉପାଧ୍ୟକ୍ଷ?

‘ରାଜଧାନୀର ଧାରଣା ସ୍ଥଳରେ କଡ଼ାକଡ଼ି ହେବ କୋଭିଡ୍‌ ନିୟମ’

ଲଦାଖରେ ମୁତୟନ ହେଲା ଟ୍ୟାଙ୍କ, ବିଯୁକ୍ତ ୪୦ ଡିଗ୍ରୀରେ ବି ଦେଖାଇବ ପରାକ୍ରମ

ସଞ୍ଜୟ-ଫଡନାଭିସ ବୈଠକ ପଛର ଉଦ୍ଦେଶ୍ୟ ‘ସାମ୍ନା’କୁ ସାକ୍ଷାତକାର ନୁହେଁ!