ଦୁର୍ନୀତି ମାମଲାରେ ଗିରଫ୍ ହେଲେ ପୂର୍ବତନ କଂଗ୍ରେସ ମନ୍ତ୍ରୀ

ବେଙ୍ଗାଲୁରୁ: ବହୁ ଚର୍ଚ୍ଚିତ କର୍ଣ୍ଣାଟକା ଆଇଏଏମ ଦୁର୍ନୀତି ଘଟଣାରେ ଗିରଫ ହୋଇଛନ୍ତି ପୂର୍ବତନ ମନ୍ତ୍ରୀ ତଥା କଂଗ୍ରେସ ନେତା ରୋଶନ ବେଗ୍। ୪ ହଜାର କୋଟି ଟଙ୍କାର ଏହି ଦୁର୍ନୀତି ମାମଲାରେ ପଚରା ଉଚରା କରିବା ପାଇଁ ଆଜି ସିବିଆଇ ତାଙ୍କୁ ସମନ କରିଥିଲା।

ପୂର୍ବତନ ବିଧାୟକ ରୋଶନଙ୍କୁ ଗିରଫ କରିବା ପରେ ସିବିଆଇ ତାଙ୍କୁ କୋର୍ଟରେ ହାଜର କରିଥିଲା। ଏହାପରେ ୧୪ ଦିନିଆ ବିଚାରବିଭାଗୀୟ ହେପାଜତ ପାଇଁ ଅନୁମତି ଦେଇଛନ୍ତି କୋର୍ଟ। ଏହି ଦୁର୍ନୀତି ମାମଲାରେ ପ୍ରଥମ ଥର ପାଇଁ ଜଣେ ନେତା ଗିରଫ ହୋଇଛନ୍ତି। ପୂର୍ବରୁ ଏହି ମାମଲାରେ ସିବିଆଇ ସରକାରୀ ଅଧିକାରୀ ଏବଂ ପୁଲିସ ଅଧିକାରୀଙ୍କ ବିରୋଧରେ ସପ୍ଲିମେଣ୍ଟାରୀ ଚାର୍ଜଶିଟ୍ ଦାଖଲ କରିଥିଲା।

ଆଇଏମଏ ଦୁର୍ନୀତି ଘଟଣାର ତଦନ୍ତ ଏବେ ସିବିଆଇ କରୁଛି ଓ ତଦନ୍ତକାରୀ ସଂସ୍ଥା ତାଙ୍କୁ ପଚରାଉଚରା କରିବାକୁ ଯୋଜନା କରୁଥିଲା। ଆଇଏମଏ ପକ୍ଷରୁ ଲୋକଙ୍କୁ ଲୋ‍‍‍‍ଭ ଦେଖାଇ କମ୍ପାନୀରେ ପୁଞ୍ଜି ଲଗାଣ ପାଇଁ କୁହାଯାଇଥିଲା। ଏପରି ଭାବେ ପ୍ରାୟ ୪ ହଜାର କୋଟି ଟଙ୍କାର ହେରଫେର ହୋଇଥିବା ଜଣାପଡ଼ିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।