ନୂଆଦିଲ୍ଲୀ: କରୋନା ସଂକ୍ରମଣକୁ ରୋକିବା ପାଇଁ ଦେଶ ଲକଡାଉନ୍ ରହଛି। ଲକଡାଉନ୍ ନିୟମ କଡ଼ାକଡ଼ି ପାଳନ ହୋଇଥିବାରୁ ୮୪% ଭାରତୀୟ ପରିବାରର ଆୟ କମିଛି। ଏମିତିକି ଅନେକ ପରିବାର ରହିଛି ଯେଉଁମାନେ ଅତିରିକ୍ତ ସହଯୋଗ ବିନା ଆଗକୁ ବଢ଼ିପାରିବେନି ବୋଲି ଏକ ଗବେଷଣା ରିପୋର୍ଟରେ ପ୍ରକାଶ ପାଇଛି।
ଚିକାଗୋ ବୁଥ୍ ସ୍କୁଲ୍ ଅଫ୍ ବିଜନେସର ଷ୍ଟଡି ସେଣ୍ଟର ଫର୍ ସୋଶାଲ ସେକ୍ଟର ଇନୋଭେସନ ଏହି ଗବେଷଣା କରିଛି। ଏପ୍ରିଲରେ ଦେଶର ୨୭ଟି ରାଜ୍ୟରେ ଥିବା ୫,୬୦୦ ପରିବାରକୁ ନେଇ ଏଭଳି ସର୍ଭେ କରିଛି। ଆମେରିକାରେ ଏହି ସଂସ୍ଥା ଯଦିଓ ରହିଛି ହେଲେ ଭାରତରେ ଥିବା ତା;ର ସହଯୋଗୀ ସଂସ୍ଥା ସେଣ୍ଟର ଫର୍ ମୋନିଟରିଂ ଇଣ୍ଡିଆନ୍ ଇକୋନମି ପ୍ରାଇଭେଟ ଏହି ସର୍ଭେ କରିଛି। ଏହି ସର୍ଭେ ବେଳେ ଗାଁରେ ଥିବା ପରିବାରର ଆୟ ସର୍ବାଧିକ ପ୍ରଭାବିତ ହୋଇଛି ବୋଲି ଜଣାପଡ଼ିଛି।
ତେବେ ଲକଡାଉନ୍ ପାଇଁ ସବୁଠୁ ଅଧିକ ପ୍ରଭାବିତ ତ୍ରିପୁରା, ବିହାର, ଛତିଶଗଡ଼ ଏବଂ ହରିଆଣା ରହିଛି। ସବୁଠାରୁ ବଡ଼ କଥା ହେଲା ଦେଶରେ ୩୪% ପରିବାର ରୋଜଗାର ବ୍ୟତୀତ ଅତିରିକ୍ତ ସହାୟତା ବିନା ଆଗକୁ ବଢ଼ିପାରିବନି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
