ଜେନେଭା: ଆମେରିକାର ବୈଦେଶିକ ମନ୍ତ୍ରୀ ଜନ୍ କେରୀ ସାଇକେଲ ପ୍ରେମୀ ଭାବେ ତାଙ୍କ ଦେଶରେ ଭାରି ଜଣାଶୁଣା। ତେବେ ଜେନେଭା ଗସ୍ତରେ ଥିବା କେରୀ ସାଇକେଲରୁ ପଡ଼ି ଆହତ ହୋଇଛନ୍ତି। ତାଙ୍କର ଡାହାଣ ଗୋଡ଼ ଭାଙ୍ଗି ଯାଇଛି। ତାଙ୍କୁ ଜେନେଭା ବିଶ୍ୱବିଦ୍ୟାଳୟ ଡାକ୍ତରଖାନାରେ ଭର୍ତ୍ତି କରାଯାଇଛି। ତାଙ୍କର ଅବସ୍ଥା ସ୍ଥିର ରହିଛି।
ସ୍ୱିଜରଲାଣ୍ଡ ସୀମାରୁ ଦକ୍ଷିଣ-ପୂର୍ବରେ ୪୦ କିଲୋମିଟର ଦୂରରେ ଅବସ୍ଥିତ ଫ୍ରାନ୍ସର ସାଇନୋଜିୟର ଠାରେ ସାଇକେଲ ଚଲାଉଥିବା ବେଳେ କେରୀ ପଡ଼ି ଯାଇଥିଲେ। ଦୁର୍ଘଟଣା ସମୟରେ ତାଙ୍କା ସହିତ ପାରାମେଡିକାଲ୍ ଟିମ୍ ଓ ଫିଜିକସିଆନ୍ ଉପସ୍ଥିତ ଥିଲେ। ତାଙ୍କୁ ସଙ୍ଗେ ସଙ୍ଗେ ହେଲିକପ୍ଟର ଯୋଗେ ନିଆଯାଇ ଜେନେଭା ବିଶ୍ୱବିଦ୍ୟାଳୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଇରାନର ପରମାଣୁ କାର୍ଯ୍ୟକ୍ରମ ନେଇ ଇରାନର ରାଜନେତାଙ୍କ ସହିତ ଆଲୋଚନା କରିବା ପାଇଁ ଜେନେଭା ଯାଇଥିଲେ କେରୀ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
