ଶ୍ରୀନଗର: ଆତଙ୍କବାଦୀ ସଂଗଠନ ହିଜବୁଲ ମୁଜାହିଦ୍ଦିନର ୩ ଆତଙ୍କବାଦୀଙ୍କ ମୁଣ୍ଡ ପାଇଁ ପୁରସ୍କାର ଘୋଷଣା କରିଛି ଜମ୍ମୁ କଶ୍ମୀରର କିସ୍ତଓ୍ୱର ଜିଲ୍ଲା ପୁଲିସ। ଏହି ତିନି ଆତଙ୍କବାଦୀ ଜମ୍ମୁ-କଶ୍ମୀରରେ ସ୍ଥାନୀୟ ଲୋକଙ୍କୁ ପ୍ରବର୍ତ୍ତାଇ ଆତଙ୍କବାଦକୁ ସକ୍ରିୟ କରାଉଛନ୍ତି ବୋଲି ଜିଲ୍ଲା ପୁଲିସ୍ କହିଛି। ଏହି ୩ ଆତଙ୍କବାଦୀ ହେଲେ ହିଜବୁଲ ମୁଜାହିଦ୍ଦିନ କମାଣ୍ଡର ମହମ୍ମଦ ଅମିନ ଓରଫ ଜାହାଙ୍ଗୀର ସରୁରି ଏବଂ ତା’ର ଦୁଇ ସହଯୋଗୀ ରିୟାଜ ଅହମ୍ମଦ ଓ ମୁଦ୍ଦାସିର ହୁସେନ। ମହମ୍ମଦ ଅମିନ ପାଇଁ ୧୫ ଲକ୍ଷ ଏବଂ ତା’ର ଦୁଇ ସହଯୋଗୀର ମୁଣ୍ଡ ପାଇଁ ୧୫ ଲକ୍ଷ ଟଙ୍କା ପୁରସ୍କାର ରଖିଛି ଜମ୍ମୁ କଶ୍ମୀର ପୁଲିସ୍।
Jammu and Kashmir: District Police Kishtwar have announced a cash award of Rs 30 lakhs on three terrorists belonging to Hizbul Mujahideen. Mohd Amin carries a reward of Rs 15 lakhs. Riaz Ahmed & Mudassir Hussain carry a reward of Rs 7.5 lakhs each. pic.twitter.com/0j6877LZcN
— ANI (@ANI) October 28, 2019
ଯେଉଁ ବ୍ୟକ୍ତି ଏହି ସୂଚନା ଦେବେ ସେମାନଙ୍କ ନାମ ଗୋପନ ରହିବ ଓ ତାଙ୍କୁ ୩୦ ଲକ୍ଷ ଟଙ୍କାର ପୁରସ୍କାର ରାଶି ଦିଆଯିବ ବୋଲି ଜମ୍ମୁ କଶ୍ମୀର ପୁଲିସ୍ ଘୋଷଣା କରିଛି। ରାଜ୍ୟ ପୁଲିସ ପକ୍ଷରୁ ମଧ୍ୟ ତିନି ଆତଙ୍କବାଦୀଙ୍କ ଫଟୋ ଜାରି କରି ମୋଷ୍ଟ ଓ୍ୱାଣ୍ଟେଡ ବୋଲି ଲେଖା ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
