ଅକ୍ରା: ଘାନାର ରାଜଧାନୀ ଅକ୍ରାରେ ଏକ ଗ୍ୟାସ୍ ଷ୍ଟେସନରେ ଗତ ବୁଧବାର ବିଳମ୍ବିତ ରାତିରେ ବିସ୍ଫୋରଣ ଘଟି ୨୦୦ ଜଣଙ୍କ ମୃତ୍ୟୁ ଘଟିଛି। ୩୫ ଜଣ ଗୁରୁତର ଭାବେ ପୋଡ଼ି ଯାଇଥିବା ବେଳେ ଆର୍ମି ହସପିଟାଲରେ ସେମାନଙ୍କୁ ଚିକିତ୍ସା କରାଯାଉଛି। ଘାନାର ଆଭ୍ୟନ୍ତରୀଣ ମନ୍ତ୍ରଣାଳୟ ପକ୍ଷରୁ ଏହି ସୂଚନା ଦିଆଯାଇଛି। ପ୍ରବଳ ବର୍ଷା ହେଉଥିବା ଯୋଗୁ ଏହି ଗ୍ୟାସ ଷ୍ଟେସନଟିରେ ଲୋକେ ଆଶ୍ରୟ ନେଇଥିବା ବେଳେ ଘଟିଥିଲା ବିସ୍ଫୋରଣ। ତେବେ ବିସ୍ଫୋରଣର କାରଣ ଜଣାପଡ଼ି ନାହିଁ। ତେବେ କିଛି ପ୍ରତ୍ୟକ୍ଷଦର୍ଶୀ କହିଛନ୍ତି ଯେ ଗ୍ୟାସ ଷ୍ଟେସନ୍ ନିକଟରେ ଥିବା ଏକ ଟ୍ରଲି ଟର୍ମିନାଲରେ ନିଆଁ ଲାଗିବା ପରେ ଏହି ବିସ୍ଫୋରଣ ଘଟିଥିଲା। ତେଣୁ ଗ୍ୟାସ୍ ଷ୍ଟେସନରେ ଲିକେଜ୍ ଥିଲା ବୋଲି ଆଶଙ୍କା କରାଯାଉଛି।
ଏହି ଘଟଣା ପରେ ଘାନା ରାଷ୍ଟ୍ରପତି ତିନି ଦିନିଆ ଜାତୀୟ ଶୋକ ଘୋଷଣା କରିଛନ୍ତି। ଆସନ୍ତା ସୋମାବର (ଜୁନ୍ ୮ ତାରିଖ)ରୁ ଏହି ତିନି ଦିନିଆ ଶୋକ ପାଳନ ଆରମ୍ଭ ହେବ। ଏହା ସହିତ ମୃତାହତଙ୍କ ପାଇଁ ଘାନା ସରକାର ୧୫ ମିଲିୟନ ଡଲାର ସହାୟତା ଘୋଷଣା କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
