ଚଣ୍ଡିଗଡ: ବିବାଦୀୟ ହରିୟାଣା ଜମି ଦୁର୍ନୀତି ମାମଲାର ବିଚାର ବିଭାଗୀୟ ତଦନ୍ତ ରିପୋର୍ଟ ଆଜି ସରକାରଙ୍କୁ ପ୍ରଦାନ କରାଯାଇଛି। ଏହି ଜମି ଦୁର୍ନୀତି ଓ ଅନିୟମିତତାରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ଜ୍ୱାଇଁ ରବର୍ଟ ଭଦ୍ରାଙ୍କ ନାଁ ରହିଛି। ଏହାକୁ ନେଇ ୨୦୧୪ ସାଧାରଣ ନିର୍ବାଚନ ଓ ହରିୟାଣା ବିଧାନସଭା ନିର୍ବାଚନରେ ରାଜନୀତି ସରଗରମ ହୋଇଥିଲା। ଦିଲ୍ଲୀ ହାଇକୋର୍ଟର ପୂର୍ବତନ ବିଚାରପତି ଜଷ୍ଟିସ ଏସ୍ଏନ୍ ଧିଙ୍ଗରାଙ୍କୁ ଏହି ଜମି ଦୁର୍ନୀତି ମାମଲାର ତଦନ୍ତ କରିବାକୁ ନିଯୁକ୍ତି ଦିଆଯାଇଥିଲା। ୧୫ ମାସର ତଦନ୍ତ ପରେ ଧିଙ୍ଗରା ରାଜ୍ୟ ସରକାରଙ୍କୁ ୧୮୨ ପୃଷ୍ଠାର ରିପୋର୍ଟ ପ୍ରଦାନ କରିଛନ୍ତି। ଧିଙ୍ଗରା ତାଙ୍କ ରିପୋର୍ଟରେ ଜମି ଡିଲ୍ ବେଳେ ବ୍ୟାପକ ଅନିୟମିତତା ହୋଇଥିବା ଦର୍ଶାଇଛନ୍ତି।
ଭୂପିନ୍ଦର ସିଂହ ହୁଡା ହରିୟାଣା ମୁଖ୍ୟମନ୍ତ୍ରୀ ଥିବା ବେଳେ ରବର୍ଟ ଭଦ୍ରା ଜାଲିଆତି କରି ଜମି ହଡପ କରିଥିବା ଅଭିଯୋଗ ହୋଇଥିଲା। ୨୦୧୫ ମେ ୨୨ରେ ମନୋହର ଲାଲ ଖଟ୍ଟର ଏହାର ତଦନ୍ତ ପାଇଁ କମିଶନ ଗଠନ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
