ନୂଆଦିଲ୍ଲୀ: ଦିଲ୍ଲୀରେ ଅରବିନ୍ଦ କେଜ୍ରିୱାଲ ସରକାରଙ୍କର ଆଉ ଜଣେ ବିଧାୟକ ଅଡ଼ୁଆରେ। ଆଜି ସକାଳେ ଛତରପୁରର ବିଧାୟକ କରତାର ସିଂହ ତଂବରଙ୍କ ଘର, ଅଫିସ୍ ଓ ଫାର୍ମ ହାଉସ୍ ଉପରେ ଆୟକର ବିଭାଗ ପକ୍ଷରୁ ଚଢ଼ାଉ କରାଯାଇଛି।
ଆୟକର ବିଭାଗ ଅଧିକାରୀମାନେ ସକାଳ ସାଢ଼େ ଆଠଟାରେ ବିଧାୟକଙ୍କ ଘରେ ପହଞ୍ଚିଥିଲେ। ତାଙ୍କ ଘର ସମେତ ୧୧ଟି ସ୍ଥାନରେ ଚଢ଼ାଉ କରିଥିଲେ। ଏଥିରେ ୧୦୦ରୁ ଅଧିକ ଅଧିକାରୀ ନିୟୋଜିତ ହୋଇଥିଲେ। ବିଧାୟକଙ୍କୁ ଆୟକର ବିଭାଗ ଅଧିକାରୀମାନେ ତାଙ୍କ ଘରେ ପଚରାଉଚରା କରିଛନ୍ତି। କରତାର ସିଂହଙ୍କ ୨୦ଟି କଂପାନୀ ତଦନ୍ତର ପରିସରଭୁକ୍ତ ହୋଇଛି।
ଆୟକର ବିଭାଗକୁ ଅଭିଯୋଗ ମିଳିଥିଲା ଯେ ସରକାରୀ ଚାକିରୀରୁ ଭି.ଆର.ଏସ୍ ନେବା ପରେ କରତାର ସିଂହ ଜମିବାଡ଼ି କାରବାର କରି କୋଟି କୋଟି ଟଙ୍କା ଆୟ କରିଛନ୍ତି।
ଅନ୍ୟପକ୍ଷରେ ଆୟକର ବିଭାଗ ଚଢ଼ାଉ ଖବର ପାଇବା ପରେ କରତାରଙ୍କ ଘର ସମ୍ମୁଖରେ ଆପ୍ କର୍ମକର୍ତ୍ତା ଏକତ୍ରିତ ହୋଇ କେନ୍ଦ୍ର ସରକାରଙ୍କ ବିରୋଧରେ ନାରାବାଜି କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
