ହାଇଦ୍ରାବାଦ: ଚାହୁଁ ଚାହୁଁ ଭୁଶୁଡି ପଡିଲା ୨୦ ବର୍ଷ ତଳର ବିଲ୍ଡିଂ। ତେଲାଙ୍ଗାନାର ୟାଦାଦ୍ରି-ଭୋଙ୍ଗିର ଜିଲ୍ଲାରେ ଘଟିଛି ଏଭଳି ଦୁର୍ଘଟଣା। ଶୁକ୍ରବାର ୟାଦଗିରିଗୁଟ୍ଟାରେ ଏକ ବିଲ୍ଡିଂ ଭୁଶୁଡି ୪ ଜଣ ବ୍ୟକ୍ତିଙ୍କ ମୃତ୍ୟୁ ହୋଇଛି। ଏହି ଦୁର୍ଘଟଣାରେ ଜଣେ ଆହତ ହୋଇଥିବା ସୂଚନା ମିଳିଛି।
ସୂଚନା ମୁତାବକ, ୟାଦାଗିରିଗୁଟା ତେଲେଙ୍ଗାନା ଠାରୁ ପ୍ରାୟ ୬୦ କିଲୋମିଟର ଦୂରରେ ଅଛି। ଏଠାରେ ଥିବା ଏକ ୨୦ ବର୍ଷ ତଳର ବିଲ୍ଡିଂର ତଳେ ଏକ ଦୋକାନ ଥିଲା ଓ ପ୍ରଥମ ମହଲରେ ଏକ ଘର। ତେବେ ଶୁକ୍ରବାର ଏହି ବିଲ୍ଡିଂର ଛାତ ଭୁଶୁଡି ତା' ତଳେ ବସିଥିବା ଚାରି ଜଣଙ୍କ ଉପରେ ପଡିଛି। ଏହି କାରଣରୁ ଚାରିଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଛି। ସେପଟେ ଜଣେ ଆହତ ବ୍ୟକ୍ତିଙ୍କୁ ଡାକ୍ତରଖାନା ନିଆଯାଇଛି। ବିଲ୍ଡିଂର ଖରାପ ନିର୍ମାଣ ହେତୁ ଏଭଳି ଘଟଣା ଘଟିଥିବା ପୁଲିସ କହିଛି।
ସେପଟେ ଏହି ଦୁର୍ଘଟଣାକୁ ନେଇ ତେଲେଙ୍ଗାନା ରାଜ୍ୟପାଳ ଦୁଃଖ ପ୍ରକାଶ କରିଛନ୍ତି। ଏଥିସହ ଜିଲ୍ଲାଅଧିକାରୀଙ୍କୁ ଆହତ ବ୍ୟକ୍ତିଙ୍କୁ ସର୍ବୋତ୍ତମ ଚିକିତ୍ସା ଓ ଜରୁରୀ ସୁବିଧା ଯୋଗାଇବା ପାଇଁ ନିର୍ଦ୍ଦେଶ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
