ନୂଆଦିଲ୍ଲୀ: ଏଣିକି ବଜାରରେ ଉପଲବ୍ଧ ହେବ କରୋନା ଔଷଧ। ସାଧାରଣରେ କରୋନା ଔଷଧ ବିକ୍ରି କରିବାକୁ ଅନୁମତି ଦେଇଛି ଡିସିଜିଆଇ। ଫେଭିପିରାଭିର ଟାବେ୍ଲଟ୍ ଓ ରେମଡିସିଭିର ଇଞ୍ଜେକସନ୍ ବିକ୍ରି ପାଇଁ ଡ୍ରଗସ କଣ୍ଟ୍ରୋଲର ଜେନେରାଲ ଅଫ୍ ଇଣ୍ଡିଆ ପକ୍ଷରୁ ଅନୁମତି ଦିଆଯାଇଛି । ସ୍ୱାସ୍ଥ୍ୟ ବିଶେଷଜ୍ଞଙ୍କ ପ୍ରେସକ୍ରିପସନ ଥିଲେ ଏହି ଔଷଧ କିଣି ହେବ ବୋଲି ଡିସିଜିଆଇ କହିଛି।
କେତେକ ସର୍ତ୍ତ ସହିତ ଫେଭିପିରାଭିର୍ ଟାବ୍ଲେଟ୍ ଓ ରେମଡେସିଭ୍ ଇଞ୍ଜେକ୍ସନ ବିକ୍ରିକୁ ଅନୁମତି ମିଳିଛି। ଚିକିତ୍ସା ଆରମ୍ଭ ପୂର୍ବରୁ ଏକ ନିର୍ଦ୍ଦିଷ୍ଟ ଫର୍ମରେ ରୋଗୀ କିମ୍ବା ତାଙ୍କ ପ୍ରତିନିଧିଙ୍କଠାରୁ ସମ୍ମତି ପତ୍ର ଆଣିବାକୁ ପଡିବ । ଏହି ଔଷଧ ବିକ୍ରି ବେଳେ ଦୋକାନୀ ଡାକ୍ତରଙ୍କ ପ୍ରେସକ୍ରିପସନ, ରୋଗୀଙ୍କ ସମ୍ମତି ପତ୍ର, ଔଷଧ କିଣୁଥିବା ବ୍ୟକ୍ତିଙ୍କ ବାସସ୍ଥାନ ପ୍ରମାଣପତ୍ର, ଯୋଗାଯୋଗର ସମ୍ପୂର୍ଣ୍ଣ ଠିକଣାର ଫଟୋ କପି ରଖିବାକୁ ପଡିବ ।
ଔଷଧ ଦୋକାନୀ ପ୍ରତି ସପ୍ତାହରେ ଡ୍ରଗ୍ସ ଇନସପେକ୍ଟରଙ୍କୁ ଏହି ଔଷଧଗୁଡିକର କିଣା ବିକା ସମ୍ପର୍କରେ ଜଣାଇବେ ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
