୨୦ ୟୁଟ୍ୟୁବ ଚ୍ୟାନେଲ ଓ ୨ ୱେବସାଇଟକୁ ବନ୍ଦ କଲେ ଭାରତ ସରକାର

ନୂଆଦିଲ୍ଲୀ: ଭାରତ ବିରୋଧରେ ଅପପ୍ରଚାର କରି ଲୋକଙ୍କୁ ବିଭ୍ରାନ୍ତ କରୁଥିବା ୨୦ଟି ୟୁଟ୍ୟୁବ ଚ୍ୟାନେଲ ଓ ୨ଟି ୱେବସାଇଟ୍‌କୁ ବନ୍ଦ କରିଛନ୍ତି କେନ୍ଦ୍ର ସରକାର। ନୂଆ ଆଇଟି ଆଇନରେ ଥିବା ସ୍ୱତନ୍ତ୍ର ଅଧିକାର ବଳରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ ଏପରି ପଦକ୍ଷେପ ନେଇଛି। ବ୍ୟାନ ହୋଇଥିବା ଚ୍ୟାନେଲ ଓ ୱେବସାଇଟ୍‌ଗୁଡ଼ିକ ଆଉ ଭାରତରେ କାର୍ଯ୍ୟକ୍ଷମ ହେବନି। ଏଗୁଡ଼ିକ ପାକିସ୍ତାନରୁ ପରିଚାଳିତ ହେଉଥିଲା। ଏଥିରେ ଭାରତ ବିରୋଧୀ କଣ୍ଟେଣ୍ଟ ନିୟମିତ ପୋଷ୍ଟ କରାଯାଉଥିଲା। ତେଣୁ ସରକାର […]

youtube

youtube

Hemant Lenka
  • Published: Tuesday, 21 December 2021
  • Updated: 21 December 2021, 04:37 PM IST

ନୂଆଦିଲ୍ଲୀ: ଭାରତ ବିରୋଧରେ ଅପପ୍ରଚାର କରି ଲୋକଙ୍କୁ ବିଭ୍ରାନ୍ତ କରୁଥିବା ୨୦ଟି ୟୁଟ୍ୟୁବ ଚ୍ୟାନେଲ ଓ ୨ଟି ୱେବସାଇଟ୍‌କୁ ବନ୍ଦ କରିଛନ୍ତି କେନ୍ଦ୍ର ସରକାର। ନୂଆ ଆଇଟି ଆଇନରେ ଥିବା ସ୍ୱତନ୍ତ୍ର ଅଧିକାର ବଳରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ ଏପରି ପଦକ୍ଷେପ ନେଇଛି।

ବ୍ୟାନ ହୋଇଥିବା ଚ୍ୟାନେଲ ଓ ୱେବସାଇଟ୍‌ଗୁଡ଼ିକ ଆଉ ଭାରତରେ କାର୍ଯ୍ୟକ୍ଷମ ହେବନି। ଏଗୁଡ଼ିକ ପାକିସ୍ତାନରୁ ପରିଚାଳିତ ହେଉଥିଲା। ଏଥିରେ ଭାରତ ବିରୋଧୀ କଣ୍ଟେଣ୍ଟ ନିୟମିତ ପୋଷ୍ଟ କରାଯାଉଥିଲା। ତେଣୁ ସରକାର ଏପରି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।

ମିଳିଥିବା ସୂଚନା ଅନୁଯାୟୀ, ଏହି ଚ୍ୟାନେଲ ଓ ୱେବସାଇଟ୍‌ ଗୁଡ଼ିକ ଭାରତର ଛବି ଖରାପ କରିବାକୁ ଚେଷ୍ଟ କରୁଥିଲେ। ବିଶେଷ କରି ଚାଷୀ ଆନ୍ଦୋଳନ, ସିଡିଏସ୍‌ଙ୍କ ହେଲିକପ୍ଟର କ୍ରାଶ ଓ ଭାରତ ସରକାର ପ୍ରଣୟନ କରୁଥିବା ବିଭନ୍ନ ନୀତି ସମ୍ପର୍କରେ ୨ ୱେବସାଇଟ ଓ ୨୦ଟି ୟୁଟ୍ୟୁବ ଚ୍ୟାନେଲରେ ଘୃଣା ସୃଷ୍ଟି କରିବା ଭଳି ଖବର ପ୍ରସାରଣ କରାଯାଉଥିଲା।

ଏଥିପାଇଁ ସୂଚନା ଓ ପ୍ରସାରଣ ମନ୍ତ୍ରଣାଳୟର ସଚିବ ଅପୂର୍ବ ଚନ୍ଦ୍ର ୟୁଟ୍ୟୁବ ଓ ଟେଲିକମ ବିଭାଗକୁ ଏଗୁଡ଼ିକ ଉପରେ ରୋକ ଲଗାଇବାକୁ ନିର୍ଦ୍ଦେଶ ଦେଇଥିଲେ। ଚ୍ୟାନେଲଗୁଡ଼ିକ ଭାରତର ସାର୍ବଭୌମତ୍ୱ ଓ ଅଖଣ୍ଡତାକୁ କ୍ଷତି ପହଞ୍ଚାଉଥିବା ସେ କହିଥିଲେ।

ସୂଚନା ଓ ପ୍ରସାରଣ ମନ୍ତ୍ରଣାଳୟ କହିଛି ଯେ ଏହି ଚ୍ୟାନେଲ ଓ ୱେବସାଇଟ ଗୁଡ଼ିକ ପାକିସ୍ତାନ ଗୁଇନ୍ଦା ସଂସ୍ଥା ଆଇଏସ୍‌ଆଇ ସହାୟତାରେ ଭାରତ ବିରୋଧୀ କଣ୍ଟେଣ୍ଟ ପବ୍ଲିଶ କରୁଥିଲେ। ୟଟ୍ୟୁବରେ ଥିବା ଗୋଟିଏ ଗ୍ରୁପ୍‌ ହେଲା ‘ନୂଆ ପାକିସ୍ତାନ’। ଏହାକୁ ୨ ମିଲିୟନ ଲୋକ ସବସ୍କ୍ରାଇବ କରିଛନ୍ତି। ଏହି ଚ୍ୟାନେଲରେ କଶ୍ମୀର, ଚାଷୀ ଆନ୍ଦୋଳନ, ଧାରା ୩୭୦ ଓ ଅଯୋଧ୍ୟା ଭଳି ପ୍ରସଙ୍ଗରେ ମିଥ୍ୟା ଖବର ନିୟମିତ ପ୍ରଚାର କରାଯାଉଥିଲା। ଏହି ଚ୍ୟାନେଲକୁ ପ୍ରାୟ ୫୦୦ ମିଲିୟନ ଲୋକ ଦେଖୁଥିବା ମନ୍ତ୍ରଣାଳୟ କହିଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories