ରାୟପୁର: ଛତିଶଗଡ଼ର କାଙ୍କେରା ଜିଲ୍ଲାରେ ଆଜି ବିଏସ୍ଏଫ୍ ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ଏଥିରେ ୨ ଜଣ ଯବାନ ସହିଦ ହୋଇଥିବା ବେଳେ ଆଉ ୪ ଜଣ ଆହତ ହୋଇଛନ୍ତି। ମୃତ ଯବାନ ଦ୍ୱୟ ହେଲେ ବିଜୟ କୁମାର ଓ ରାକେଶ।
ଆହତ ଯବାନମାନଙ୍କୁ ରାୟପୁର ହସ୍ପପିଟାଲରେ ଭର୍ତ୍ତି କରାଯାଇଛି।
ଚୋଟିବିଟିୟା ସ୍ଥିତ ବିଏସଏଫ୍ କ୍ୟାମ୍ପରୁ ଗତକାଲି ବିଳମ୍ବିତ ରାତିରୁ ସର୍ଚ୍ଚ ଅପରେସନ ଆରମ୍ଭ କରାଯାଇଥିଲା। ଆଜି ବଡ଼ି ଭୋରରେ ବେଚା ଜଙ୍ଗଲରେ ଯବାନମାନେ କମ୍ବିଂ କରୁଥିବା ବେଳେ ମାଓବାଦୀଙ୍କ ସହିତ ମୁହାଁମୁହିଁ ହୋଇଥିଲେ। ସେମାନଙ୍କ ମଧ୍ୟରେ ଗୁଳିବିନିମୟ ହୋଇଥିଲା।
ମିଳିଥିବା ଖବର ଅନୁଯାୟୀ ଏ ଘଟଣା ପରେ ଉକ୍ତ ଅଞ୍ଚଳରେ କମ୍ବିଂ ଅପରେସନ୍କୁ ଜୋରଦାର କରି ଦିଆଯାଇଛି।
ସୂଚନାଯୋଗ୍ୟ,ଗତକାଲି ଛତିଶଗଡ଼ର ସୁକମା ଜିଲ୍ଲା ଅନ୍ତର୍ଗତ ମୁରଲୀଗୁଡ଼ାରେ ସିଆରପିଏଫ୍ ଯବାନମାନେ ସର୍ଚ୍ଚ ଅପରେସନ୍ କରୁଥିବା ବେଳେ ମାଓବାଦୀମାନେ ଲ୍ୟାଣ୍ଡମାଇନ୍ ବିସ୍ଫୋରଣ କରିଥିଲେ। ଫଳରେ ୪ ଯବାନ ଆହତ ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
