ଜନତା କର୍ଫ୍ୟୁ ପାଇଁ କୃତଜ୍ଞତା ଜଣାଇଲେ ମୋଦି, କହିଲେ ଏହା ଏକ ଲମ୍ବା ଲଢ଼େଇରେ ବିଜୟର ଆରମ୍ଭ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଜନତା କର୍ଫ୍ୟୁ ସମୟରେ ଲୋକ ମାନଙ୍କୁ ଥାଳି, ତାଳି ଓ ଘଣ୍ଟି ବଜାଉଥିବା ଦେଖି ଅଭିଭୂତ ହୋଇଛନ୍ତି। ଏଥିରେ ସ୍ୱତଃପ୍ରବୃତ୍ତ ଭାବେ ସହଯୋଗ କରିଥିବା ଲୋକଙ୍କୁ ସେ ଧନ୍ୟବାଦ ଦେଇଛନ୍ତି। ଏଥିସହ କହିଛନ୍ତି, “ଏହା ଧନ୍ୟବାଦର ସ୍ୱର, କିନ୍ତୁ ଏହା ଏକ ଲମ୍ବା ଲଢ଼େଇରେ ବିଜୟର ଆରମ୍ଭ ମଧ୍ୟ। ଆସନ୍ତୁ, ଏହି ସଂକଳ୍ପ ସହିତ, ଏହି ସଂଯମତା ସହିତ ଏକ ଲମ୍ବା ଲଢ଼େଇ ପାଇଁ ନିଜକୁ ସାମାଜିକ ଦୂରତାରେ ବାନ୍ଧିବା।”

ମୋଦି ଆହୁରି ମଧ୍ୟ କହିଛନ୍ତି, “ଆଜି ରାତି ୯ଟାରେ ଯଦିଓ ଜନତା କର୍ଫ୍ୟୁ ସରିଯିବ, ଏହାର ଅର୍ଥ ନୁହେଁ ଯେ ଉତ୍ସବ ମନାଇବା। ଏହାକୁ ସଫଳତା ଭାବନ୍ତୁ ନାହିଁ। କେନ୍ଦ୍ର ଓ ରାଜ୍ୟ ସରକାରଙ୍କ ନିର୍ଦ୍ଦେଶାବଳୀ ପାଳନ କରିବା ସହ ଲକ୍‌ଡାଉନ୍‌ ଜାରି ହୋଇଥିବା ଜିଲ୍ଲାଗୁଡ଼ିକରେ ଘରୁ ବାହାରନ୍ତ ନାହିଁ। ଅନ୍ୟ ସ୍ଥାନଗୁଡ଼ିକରେ ମଧ୍ୟ ଜରୁରୀ ନଥିଲେ ଘରୁ ବାହାରନ୍ତୁନାହିଁ।”

ଶେଷରେ ସେ କହିଥିଲେ, “କରୋନା ଭାଇରସ୍‌ ଲଢ଼େଇରେ ନେତୃତ୍ୱ ନେଇଥିବା ପ୍ରତି ବ୍ୟକ୍ତିଙ୍କୁ ଦେଶ ଏକ ମନରେ ଧନ୍ୟବାଦ ଦେଇଛି। ଦେଶବାସୀଙ୍କ ନିକଟରେ କୃତଜ୍ଞତା ଜଣାଉଛି।”

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।